బాలీవుడ్ ఎనర్జిటిక్ స్టార్ రణ్వీర్ సింగ్ (Ranveer Singh) బాక్సాఫీస్ వద్ద సరికొత్త చరిత్ర సృష్టిస్తున్నారు. ఆయన హీరోగా నటించిన తాజా యాక్షన్ స్పై థ్రిల్లర్ ‘ధురంధర్ 2’ (Dhurandhar: The Revenge) థియేటర్లలో సునామీ సృష్టిస్తోంది. మార్చి 19న ప్రేక్షకుల ముందుకు వచ్చిన ఈ సినిమా, తొలి రోజే కలెక్షన్ల వర్షం కురిపించింది. ఈ భారీ విజయాన్ని ఎంజాయ్ చేస్తున్న రణ్వీర్, ముంబైలో జరిగిన స్పెషల్ స్క్రీనింగ్లో తనదైన స్టైల్లో రచ్చ చేశారు. చిత్రబృందంతో కలిసి ఏర్పాటు చేసిన సక్సెస్ పార్టీలో ఆయన చేసిన డ్యాన్స్ ఇప్పుడు ఇంటర్నెట్ను షేక్ చేస్తోంది.
వైరల్ అవుతున్న డ్యాన్స్ వీడియో
ముంబైలో జరిగిన ఈ స్పెషల్ ఈవెంట్కు డైరెక్టర్ ఆదిత్య ధార్, యామీ గౌతమ్, సంజయ్ దత్, అర్జున్ రాంపాల్తో పాటు పలువురు సినీ ప్రముఖులు హాజరయ్యారు. స్క్రీనింగ్ అనంతరం జరిగిన ఆఫ్టర్ పార్టీలో రణ్వీర్ సింగ్ ఫుల్ జోష్లో కనిపించారు. ‘ధురంధర్’ ఫస్ట్ పార్ట్లో అక్షయ్ ఖన్నా చేసిన ఐకానిక్ ‘ఫాస్లా’ (FA9LA) ట్రాక్కు రణ్వీర్ అదిరిపోయే స్టెప్పులేశారు. మెరూన్ జాకెట్, ‘ధురంధర్’ థీమ్ టీషర్ట్ ధరించిన ఆయన ఎనర్జిటిక్ మూమెంట్స్కు అక్కడున్న వారంతా ఫిదా అయ్యారు. ఈ డ్యాన్స్ వీడియో బయటకు రావడంతో అభిమానులు సోషల్ మీడియాలో తెగ షేర్ చేస్తున్నారు. “రణ్వీర్ ఎనర్జీని ఎవరూ మ్యాచ్ చేయలేరు” అంటూ కామెంట్స్ పెడుతున్నారు.
బాక్సాఫీస్ దద్దరిల్లే టాక్.. మోదీ సీన్స్కు విజిల్స్
ఇక సినిమా పబ్లిక్ టాక్ విషయానికి వస్తే.. ‘ధురంధర్ 2’ బాలీవుడ్ రికార్డులను తిరగరాస్తోంది. ఇండియన్ సినిమా హిస్టరీలోనే అత్యధిక ఓపెనింగ్స్ సాధించిన రెండో చిత్రంగా ఇది నిలిచింది. ఒక హిందీ సినిమా తొలిరోజే ఈ స్థాయిలో (సుమారు రూ. 235 కోట్లు) కలెక్షన్లు రాబట్టడం ఇదే తొలిసారి. సినిమాలో రణ్వీర్ యాక్షన్ సీక్వెన్స్లు, ఆర్. మాధవన్, సంజయ్ దత్ లాంటి స్టార్ కాస్ట్ పెర్ఫార్మెన్స్ ప్రేక్షకులను కట్టిపడేస్తున్నాయి.
అంతేకాదు, సినిమాలో ప్రధాని నరేంద్ర మోదీకి సంబంధించిన రియల్ ఫుటేజ్ (2014 ప్రమాణ స్వీకారం, 2016 నోట్ల రద్దు) వచ్చే సీన్స్లో థియేటర్లలో విజిల్స్ పడుతున్నాయని రిపోర్ట్స్ వస్తున్నాయి. మొత్తానికి యాక్షన్, ఎమోషన్, దేశభక్తి.. ఇలా అన్ని ఎలిమెంట్స్ పర్ఫెక్ట్గా సెట్ కావడంతో ‘ధురంధర్ 2’ బాక్సాఫీస్ వద్ద అతిపెద్ద బ్లాక్బస్టర్గా దూసుకుపోతోంది.