ప్రస్తుతం పాన్ ఇండియా వైడ్ ఓ రేంజ్ లో మాట్లాడుకుంటున్న భారీ సినిమానే ‘రాకా’. ఐకాన్ స్టార్ అల్లు అర్జున్ హీరోగా దర్శకుడు అట్లీ కాంబినేషన్ లో తెరకెక్కించిన ఈ సెన్సేషనల్ ప్రాజెక్ట్ ఇప్పుడు ఫస్ట్ లుక్ తోనే సెన్సేషన్ క్రియేట్ చేసింది. అయితే ఈ సినిమాలో ప్రధాన తారాగణం అంటే ప్రస్తుతానికి అల్లు అర్జున్, దీపికా పదుకోణ్ లు తప్ప మిగతా పెద్దగా ఎవరికీ తెలియదు. కానీ లేటెస్ట్ గా ఈ తారాగణంలో పవర్ఫుల్ నటి రమ్యకృష్ణ యాడ్ అయ్యారు.
నేడు వచ్చిన ఫస్ట్ లుక్ పోస్టర్ ని ఆమె కూడా తన సోషల్ మీడియాలో షేర్ చేసుకోవడంతో ఈ క్రేజీ అప్డేట్ కన్ఫర్మ్ అయ్యింది. మరి అట్లీ ఈ భారీ ఫాంటసీ సినిమాలో ఆమెకి ఎలాంటి రోల్ ని సిద్ధం చేశారో చూడాల్సిందే. ఇక ఈ సినిమాకి సాయి అభ్యంకార్ సంగీతం అందిస్తున్నాడు అలాగే సన్ పిక్చర్స్ వారు భారీ బడ్జెట్ తో నిర్మాణం వహిస్తున్నారు.