మెగా పవర్ స్టార్ రామ్ చరణ్, దర్శకుడు బుచ్చిబాబు సానా కాంబినేషన్లో వస్తున్న ‘పెద్ది’ చిత్ర ట్రైలర్ ప్రేక్షకుల్లో భారీ అంచనాలను పెంచింది. పల్లెటూరి నేపథ్యంతో కూడిన ఎమోషనల్ స్పోర్ట్స్ డ్రామాగా తెరకెక్కుతున్న ఈ సినిమాలో బాలీవుడ్ బ్యూటీ జాన్వీ కపూర్ హీరోయిన్గా నటిస్తోంది. అయితే ట్రైలర్ విడుదలైనప్పటి నుండి, ఇందులోని జాన్వీ రూరల్ లుక్ మరియు యాసను చూసి నెటిజన్లు ఆమెను ‘రంగస్థలం’లో సమంత పోషించిన ఐకానిక్ పాత్రతో పోలుస్తున్నారు.
ట్రైలర్లో జాన్వీ పల్లెటూరి అమ్మాయి పాత్రలో ఒదిగిపోవడానికి గట్టి ప్రయత్నమే చేసింది. కొన్ని సీన్స్లో ఆమె స్క్రీన్ ప్రెజెన్స్ చాలా బాగుంది. అయితే, మరికొందరు ప్రేక్షకులు మాత్రం డైలాగ్ డెలివరీ మరియు ఎమోషనల్ సీన్స్లో ఆమె నటన మరింత మెరుగ్గా ఉంటే బాగుండేదని అభిప్రాయపడుతున్నారు. ఏదేమైనా, ఈ క్రేజీ ప్రాజెక్ట్ గనక బాక్సాఫీస్ వద్ద విజయం సాధిస్తే టాలీవుడ్లో జాన్వీ కెరీర్కు ఇది ఒక పెద్ద టర్నింగ్ పాయింట్గా మారుతుంది.
‘ఉప్పెన’ తర్వాత బుచ్చిబాబు సానా దర్శకత్వం వహిస్తున్న రెండో సినిమా కావడంతో ఈ ప్రాజెక్ట్పై ఇండస్ట్రీలో గట్టి హైప్ ఉంది. ఆస్కార్ విజేత ఏఆర్ రెహమాన్ సంగీతం అందిస్తున్న ‘పెద్ది’ చిత్రం జూన్ 4న గ్రాండ్గా థియేటర్లలోకి రానుంది.