లేటెస్ట్ గా పాన్ ఇండియా మార్కెట్ లో ఊహించని బుకింగ్స్ తో ట్రేడ్ కి షాకిచ్చిన సినిమానే ‘టాక్సిక్’. కన్నడ రాకింగ్ స్టార్ యష్ హీరోగా నటించిన ఈ భారీ సినిమా పెర్ఫామెన్స్ అంతా ఎక్కువ హిందీ మార్కెట్ ఎలా ఉంటుంది అనే దానిపైనే దృష్టి ఉంది. అయితే విడుదలకి ముందే హిందీలో మాసివ్ బుకింగ్స్ ఈ చిత్రానికి జరిగాయి.
అంతే కాకుండా మొదటి రోజు కేవలం నార్త్ మార్కెట్ నుంచే ఏకంగా 50 కోట్లకి పైగా నెట్ వసూళ్లు రావచ్చనే అంచనా కూడా ఉంది. ఇప్పుడు సీన్ కట్ చేస్తే అనుకున్నట్టు గానే టాక్సిక్ చిత్రం ఏకంగా 55 కోట్లకి పైగా నెట్ వసూళ్లతో ఈ ఏడాదిలో బిగ్గెస్ట్ ఓపెనర్స్ లో రెండో స్థానంలో నిలిచి షాకిచ్చింది. పైగా తన కే జి యఫ్ 2 ఓపెనింగ్స్ కూడా ఇది బ్రేక్ చేసింది.
దీనితో ఇండియన్ సినిమా మార్కెట్ దగ్గర సోలోగా యశ్ పాన్ ఇండియా మార్కెట్ లో బిగ్గెస్ట్ ఓపెనింగ్ సాధించిన హీరోగా నిలిచాడు అని చెప్పాలి. ఇది మాత్రం తనకి డెఫినెట్ గా బిగ్గెస్ట్ అచీవ్మెంట్ అని చెప్పవచ్చు. ఎలాంటి సీక్వెల్ బజ్ లేకుండా హిందీ మార్కెట్ లో ఈ రేంజ్ ఓపెనింగ్స్ కేవలం యశ్ కే చెల్లింది అని చెప్పవచ్చు. ఇక ముందు రోజుల్లో వసూళ్లు ఎలా ఉంటాయో చూడాలి.