గోల్డెన్ ఆర్క్ ప్రొడక్షన్ పతాకంపై శ్రీ నందు హీరోగా తెరకెక్కుతున్న నూతన చిత్రానికి ‘మగాళ్లు జిందాబాద్’ అనే టైటిల్ను ఖరారు చేశారు. ప్రసాద్ భాస్కర్ల, చైతన్య వంగవరపు సంయుక్తంగా నిర్మిస్తున్న ఈ చిత్రానికి నార ప్రవీణ్ దర్శకత్వం వహిస్తున్నారు. ఈ మేరకు చిత్ర యూనిట్ టైటిల్ ప్రకటన కార్యక్రమాన్ని నిర్వహించింది.
సమాజంలో పురుషులు ఎదుర్కొనే సమస్యలను నేపథ్యంగా తీసుకుని, వినోదాత్మకంగా ఈ కథను రూపొందించామని దర్శకుడు నార ప్రవీణ్ తెలిపారు. ఇది వ్యంగ్యాస్త్రాలతో సాగే సామాజిక హాస్య చిత్రమని ఆయన వివరించారు. లక్ష్మీ దుర్గ, అక్షర గౌడ ఇందులో కథానాయికలుగా నటిస్తున్నారు.
మగవారి ఆలోచనలు, బాధ్యతలు, వారు నిత్యజీవితంలో పడే ఇబ్బందులను హాస్యభరితంగా చూపిస్తూనే కుటుంబమంతా కలిసి చూసేలా ఈ సినిమా ఉంటుందని హీరో శ్రీ నందు చెప్పారు. ఈ చిత్రంలో వెన్నెల కిషోర్, వైవా హర్ష కీలక పాత్రలు పోషిస్తున్నారు.
ఈ చిత్రానికి శ్రీచరణ్ పాకాల, మదిన్ ఎస్.కె సంగీతం సమకూరుస్తుండగా, సమీర్ కళ్యాణి ఛాయాగ్రాహకుడిగా, శ్రీధర్ సోంపల్లి ఎడిటర్గా వ్యవహరిస్తున్నారు. చిత్రాన్ని త్వరలోనే ప్రేక్షకుల ముందుకు తీసుకువస్తామని నిర్మాతలు ప్రకటించారు.