న్యాచురల్ స్టార్ నాని తమిళ ప్రేక్షకుల్లో కూడా మంచి ఆదరణ సంపాదించుకున్నాడు. ప్రతి సినిమాతోనూ తమిళనాడులో ఆయన తనకంటూ ఒక సొంత ఫ్యాన్ బేస్ను ఏర్పరచుకున్నాడు. ప్రస్తుతం ‘ది ప్యారడైజ్’ చిత్రానికి సంబంధించి చెన్నైలో బుకింగ్స్ అద్భుతంగా ఉన్నాయి. ప్రీమియర్లతో కలిపి ఈ సినిమా అక్కడ ఇప్పటికే రూ.1 కోటి మార్కును దాటేసింది. నాని కెరీర్లోనే ఇది అతిపెద్ద చెన్నై ఓపెనింగ్గా నిలిచింది.
అటు కర్ణాటకలోనూ ఈ సినిమాకు ఇదే స్థాయి స్పందన లభిస్తోంది. కేవలం అడ్వాన్స్ బుకింగ్స్ రూపంలోనే (ప్రీమియర్లతో కలిపి) రూ.3.25 కోట్ల వసూళ్లను సాధించి, ఈ ప్రాంతంలో కూడా నాని కెరీర్లోనే హయ్యెస్ట్ ఓపెనింగ్ను నమోదు చేసింది. గ్లోబల్గా చూస్తే, ప్రపంచవ్యాప్తంగా దాదాపు రూ.50 కోట్ల అడ్వాన్స్ కలెక్షన్లతో మీడియం రేంజ్ హీరోల చిత్రాల్లోనే బిగ్గెస్ట్ ఓపెనర్గా ‘ది ప్యారడైజ్’ అవతరించింది. రాబోయే రోజుల్లో ఈ సినిమా బాక్సాఫీస్ వద్ద ఇంకా ఎంతటి సంచలనాలు సృష్టిస్తుందో చూడాలి.