సూపర్ స్టార్ మహేష్ బాబు ‘దూకుడు’ చిత్రాన్ని నిర్మించి ఇప్పుడిప్పుడే తెలుగు ఇండస్ట్రీలో అంచెలంచెలుగా ఎదుగుతున్న ప్రతిష్టాత్మక 14 రీల్స్ ఎంటర్టైన్మెంట్ బ్యానర్ ఇప్పుడు కన్నడ ఇండస్ట్రీలో అడుగుపెట్టింది. ఈ బ్యానర్ కన్నడ సూపర్ స్టార్ పునీత్ రాజ్ కుమార్ తో ఓ సినిమా నిర్మించనుంది. ఈ సినిమాకి ఓ ప్రముఖ కన్నడ డైరెక్టర్ నిర్మించాబోతున్నాడు. ప్రస్తుతం ఈ సినిమాకి టైటిల్ గా ‘ప్రొడక్షన్ నెం. 6’ పెట్టడం జరిగింది.కన్నడ లో పెద్ద స్టార్ పునీత్ రాజ్ కుమార్ హీరోగా నిర్మిస్తున్న ఈ సినిమా కమర్షియల్ ఎంటర్టైనర్ గా తెరకెక్కనుందని సమాచారం. ఈ సినిమాకు సంబందించిన పూర్తి వివరాలను, దీనిలో నటించబోయే హీరోయిన్, మిగిలిన తారల వివరాలను త్వరలో విడుదల చేసే అవకాశం ఉంది.
ప్రస్తుతం 14 రీల్స్ ఎంటర్టైన్మెంట్ బ్యానర్ వారు మహేష్ బాబు – డైరెక్టర్ సుకుమార్ కాంబినేషన్లో రానున్న సినిమా నిర్మాణ పనులలో బిజీగా ఉంది. అలాగే మహేష్ బాబు – డైరెక్టర్ శ్రీను వైట్ల కాంబినేషన్లో ఓ సినిమాని నిర్మించనుంది. ఈ సినిమా ఈ సంవత్సరం సెకండాఫ్ లో ప్రారంభం కానుంది. వీటితో పాటుగా నందమూరి బాలకృష్ణ, డైరెక్టర్ బోయపాటి శ్రీను దర్శకత్వంలో సినిమా నిర్మించనుంది. కన్నడ ఇండస్ట్రీలో అడుగు పెట్టినందుకు 14 రీల్స్ ఎంటర్టైన్మెంట్ బ్యానర్ వారికి 123తెలుగు.కామ్ తరుపున శుభాకాంక్షలు తెలియజేస్తున్నాం.