మెగా యంగ్ హీరో పంజా వైష్ణవ్ తేజ్ హీరోగా యంగ్ అండ్ టాలెంటెడ్ హీరోయిన్ శ్రీలీల హీరోయిన్ గా దర్శకుడు శ్రీకాంత్ రెడ్డి తెరకేకించిన ఇంట్రెస్టింగ్ చిత్రం “ఆదికేశవ”. మరి ఈ చిత్రంతో మంచి మాస్ ఇమేజ్ ని కూడా టార్గెట్ చేసిన వైష్ణవ్ తేజ్ ఇప్పటికే టీజర్ పోస్టర్ లతో మంచి హైప్ ను అందుకున్నాడు.
ఇక ఈ సినిమా నుంచి మేకర్స్ అయితే ఇపుడు ఫస్ట్ సింగిల్ ని రిలీజ్ చేశారు. ఇపుడు మంచి ఫామ్ లో ఉన్న తమిళ సంగీత దర్శకుడు జీవి ప్రకాష్ ఈ చిత్రానికి సంగీతం అందించగా తాను ఇచ్చిన ఈ సినిమా ఫస్ట్ సింగిల్ అయితే మంచి క్లాస్ అండ్ మాస్ గా ఉందని చెప్పాలి.
రామజోగయ్య శాస్త్రి ఇచ్చిన సాహిత్యం అలాగే రాహుల్ సిప్లిగంజ్ గాత్రంతో మంచి మాస్ గా ఈ సాంగ్ అనిపిస్తుండగా విజువల్ పరంగా చాలా రిచ్ గా ఈ సాంగ్ విదేశాల్లో కనిపిస్తుంది. అలాగే వైష్ణవ్ మరియు శ్రీలీల ల కెమిస్ట్రీ మెయిన్ గా ఇద్దరూ కూడా తమ డాన్స్ స్టెప్స్ తో ఇంప్రెస్ చేసారని చెప్పొచ్చు. మొత్తానికి అయితే ఆదికేశవ ఫస్ట్ సాంగ్ బాగానే ఉంది. ఇక ఫుల్ ఆల్బమ్ ఎలా ఉంటుందో చూడాలి.