Subscribe to our Youtube Channel
 
Like us on Facebook
 
‘అదితిరావ్ హైద‌రి’తో రాజ్ తరుణ్ లవ్ స్టోరీనా ?
Published on Jun 18, 2019 6:51 pm IST

‘గుండె జారి గ‌ల్లంత‌య్యిందే’ లాంటి సూపర్ హిట్ సినిమాతో తెలుగు తెరకు దర్శకుడిగా పరిచయమయ్యాడు కొండా విజయ్ కుమార్. అయితే ఆ సక్సెస్ ను మాత్రం అలాగే కొనసాగించలేకపోయాడు. నాగచైతన్య పిలిచి మరి ఆఫర్ ఇచ్చినా.. ‘ఒక లైలా కోసం’ అంటూ ప్లాప్ చిత్రాన్ని తీశాడు. దాంతో మొదటి సినిమాకు వచ్చిన పేరు కాస్త పోయింది. ఆ తర్వాత కొన్ని వ్యక్తిగత ఇబ్బందుల కారణంగా మొత్తానికి చాలా గ్యాప్ తీసుకున్నాడు ఈ దర్శకుడు.

ఎట్టకేలకూ రాజ్ తరుణ్ హీరోగా ఓ సినిమాను త్వరలో పట్టాలెక్కించనున్నాడు. అయితే ఇందులో హీరోయిన్‌గా అదితిరావ్ హైద‌రి నటిస్తుందని తాజాగా వార్తలు వస్తున్నాయి. తన కన్నా వయసులో పెద్దదైన ఓ అమ్మాయిని ఇష్టపడే అబ్బాయి కథే ఈ సినిమా కథని తెలుస్తోంది. ఇక ఈ సినిమాను కె.కె.రాధామోహన్ నిర్మించ‌బోతున్నారు. త్వ‌ర‌లోనే ఈ చిత్రానికి సంబంధించి అధికారిక ప్రకటన రానుంది.


సంబంధిత సమాచారం :