నందితాశ్వేత ప్రధాన పాత్రలో రూపొందుతున్నఅక్షర మూవీ మోషన్ పోస్టర్ భోగి సందర్బంగా విడుదల చేసింది చిత్రయూనిట్. ప్రస్తుతం సమాజంలో విద్యకు మించిన వ్యాపారం లేదనే మాట ఎక్కువుగా వినపడుతుంది. కానీ సమాజాన్ని మార్చే ఆయుధం విద్యే అనే అందరూ ఒప్పుకుంటారు. అక్షర ప్రయాణం ఎలా ఉండబోతుంది అనే ఆలోచనలకు ఈ మోషన్ అద్దం పడుతుంది.బలమైన కంటెంట్ ని ఎఫెక్టివ్ గా ప్రజెంట్ చేయడంలో చిత్ర యూనిట్ సక్సెస్ అయ్యింది. మోషన్ పోస్టర్ సోషల్ మీడియాలో ప్రశంసలు అందుకుంటుంది.
ఈ సందర్భంగా దర్శకుడు బి. చిన్నికృష్ణ మాట్లాడుతూ.. ‘విద్య సమాజాన్ని మార్చే బలమైన ఆయుధం. కానీ విద్యావ్యవస్థ ఫక్తు వ్యాపారం లా మారిపోయింది. అలాంటి వ్యవస్థ పై అక్షర చేసే పోరాటం వినూత్నంగా ఉంటుంది’ అన్నారు.
నిర్మాత అహితేజ బెల్లంకొండ మాట్లాడుతూ: ‘‘సినిమా కాన్సెప్ట్ ని టీజర్ గా రిలీజ్ చేసాం దానికి మంచి స్పందన వచ్చింది. మోషన్ పోస్టర్ ని కూడా కాన్సెప్ట్ ని ఎలివేట్ చేసే విధంగా ప్లాన్ చేసాం. ఎడ్యుకేషన్ వ్యవస్థ లోని లోపాలను బోల్డ్ గా తెరమీదకు తీసుకురాబోతున్నాం. భోగి సందర్బంగా విడుదల చేసిన మోషన్ పోస్టర్ కి మంచి స్పందన లభించింది.’’ అన్నారు
నటీనటులు: సందితా శ్వేతా,సత్య,అభినవ్,శ్రీ తేజ్,అజయ్ ఘోష్,సంజయ్ స్వరూప్,శ్రీకాంత్ అయ్యర్,అప్పాజీ అంబరీష, మాణిక్యం రెడ్డి తదితరులు
సాంకేతిక నిపుణులు: కెమెరామన్: నగేష్ బెనెల్, మ్యూజిక్ డైరెక్టర్ : సురేష్ బొబ్బిలి, ఎడిటర్- జి.సత్య, నిర్మాతలు: సురేష్ వర్మ అల్లూరి, అహితేజ బెల్లంకొండ, రచన,దర్శకత్వం: బి. చిన్నికృష్ణ.