సోషల్ మీడియాలో అల్లు అర్జున్ కి ఉన్న ఫాలోయింగ్ గురించి ప్రత్యేకంగా చెప్పక్కర్లేదు. ఇప్పటికే బన్నీ సినిమాలు యూట్యూబ్ లో అత్యధిక వ్యూస్ తెచ్చుకొని సరికొత్త రికార్డ్ లు సృష్టించాయి. కాగా తాజాగా బన్నీ నటించిన సాంగ్ కూడా ఓ నూతన రికార్డ్ ని సృష్టించింది. హరీష్ శంకర్ డైరెక్షన్ లో అల్లు అర్జున్ నటించిన ‘దువ్వాడ జగన్నాధం’ చిత్రం పెద్దగా సక్సెస్ కాకపోయినా.. కలెక్షన్ల పరంగా చూసుకుంటే.. ఆ చిత్రం కమర్షియల్ గా మంచి సక్సెస్ సాధించినట్లే.
కాగా ‘దువ్వాడ జగన్నాధం’ చిత్రంలోని ‘సీటీ మార్’ అనే పాట ప్రస్తుతం యూట్యూబ్ లో వైరల్ గా మారింది. ఆదిత్య మ్యూజిక్ విడుదల చేసిన ఈ వీడియో సాంగ్ ఏకంగా 90 మిలియన్ వ్యూస్ ను సాధించి రికార్డ్ సృష్టించింది.
ఇక బన్నీ ప్రస్తుతం స్టార్ డైరెక్టర్ త్రివిక్రమ్ తో ఓ చిత్రాన్ని చేయబోతున్న విషయం అందరికి తెలిసిందే. అయితే ఈ చిత్రం డిసెంబర్ లో అధికారికంగా లాంచ్ కానుందని తెలుస్తోంది.