అల్లు అర్జున్-సుకుమార్ కాంబినేషన్ తెరకెక్కుతున్న పుష్ప మూవీ ఫస్ట్ లుక్ కి సూపర్ రెస్పాన్స్ దక్కింది. బన్నీ ఊర మాస్ డీ గ్లామర్ లుక్ లో ఇరగదీశాడు. రాయలసీమకు చెందిన మొరటు డ్రైవర్ రోల్ చేస్తున్న అల్లు అర్జున్ ఆ పాత్రకు బాగా సెట్ అయ్యారు. దర్శకుడు సుకుమార్ ఈ చిత్రాన్ని శేషాచలం అడవులలో సాగే రెడ్ శాండిల్ స్మగ్లింగ్ నేపథ్యంలో తెరకెక్కిస్తున్నారు. కాగా పుష్ప అనే టైటిల్ తో తెరకెక్కుతున్న ఈ మూవీ ఫస్ట్ లుక్ ట్విట్టర్ లో రికార్డు నెలకొల్పిన సంగతి తెలిసిందే.
ట్విట్టర్ లో అత్యధిక లైక్స్ సాధించిన తెలుగు మూవీ ఫస్ట్ లుక్ గా రికార్డు కొట్టిన బన్నీ ఈ విషయంలో ఎన్టీఆర్, మహేష్ లను కూడా దాటేశాడు. గతంలో 70.2 వేల లైక్స్ తో ఎన్టీఆర్ అరవింద సమేత వీర రాఘవ లుక్ మొదటి స్థానంలో ఉండగా, బన్నీ 80.1 వేల లైక్స్ తో ఆ రికార్డుని అధిగమించాడు. దీనితో 67.2 వేల లైక్స్ తో మహేష్ మహర్షి లుక్ సెకండ్ స్థానం నుండి మూడో స్థానానికి పడిపోయింది. పుష్ప చిత్రాన్ని మైత్రి మూవీ మేకర్స్ నిర్మిస్తుండగా, రష్మిక మందాన హీరోయిన్ గా నటిస్తుంది. దేవిశ్రీ సంగీతం అందిస్తున్నారు.