ఇటీవలే ‘ఒక్క క్షణం’ తో ప్రేక్షకుల్ని పలకరించిన అల్లు శిరీష్ ఇప్పుడు కొత్త సినిమాను మొదలుపెట్టనున్నారు. ఈసారి ఆయన మలయాళ చిత్రం ఏబిసిడి (అమెరికా బోర్న్డ్ కన్ఫ్యూజ్డ్ దేశి)ని తెలుగులోకి రీమేక్ చేయనున్నారు. మధుర శ్రీధర్, యాష్ రంగినేనిలు సంయుక్తంగా నిర్మిస్తున్న ఈ సినిమా నూతన దర్శకుడు సంజీవ్ రెడ్డి డైరెక్ట్ చేయనున్నారు.
ఈ సినిమా రేపే అధికారికంగా లాంచ్ కానుంది. ఈ సినిమాకు కన్నడ కంపోజర్ జుడా శాండీ సంగీతాన్ని అందివ్వనున్నారు. ఇకపోతే ఈ సినిమాలో కథానాయకిగా ఎవరు నటించనున్నారు అనేది ఇంకా తెలియాల్సి ఉంది. మలయాళంలో దుల్కర్ సల్మాన్ చేసిన ఈ సినిమా అక్కడ మంచి సక్సెస్ ను అందుకుంది.