విక్రమ్ సహిదేవ్, సంధ్యా వశిష్ట జంటగా నటిస్తున్న ‘అనకాపల్లి’ సినిమా నుంచి ‘ఎలగే పిల్ల’ అనే రొమాంటిక్ లవ్ సాంగ్ను ప్రముఖ నిర్మాత సూర్యదేవర నాగవంశీ విడుదల చేశారు. ఈ సందర్భంగా ఆయన చిత్ర బృందానికి అభినందనలు తెలియజేస్తూ సినిమా విజయం సాధించాలని ఆకాంక్షించారు. అనంత్ శ్రీరామ్ సాహిత్యం అందించిన ఈ పాటకు కపిల్ కపిలాన్, దేవ్ జండ్ గాత్రం అందించారు. లిరికల్ వీడియోలో హీరో విక్రమ్ సహిదేవ్ డాన్స్ స్టెప్పులు ఆకట్టుకునేలా ఉన్నాయి.
భవ్య శ్రీ మూవీ మేకర్స్, నక్కిన నెరేటివ్స్ బ్యానర్లపై కాండ్రేగుల నాయుడు, త్రినాథరావు నక్కిన ఉమ్మడిగా ఈ చిత్రాన్ని నిర్మిస్తున్నారు. ఖగేష్ తమ్మినేని దర్శకత్వం వహిస్తున్న ఈ సినిమాకు కాండ్రేగుల కుమార్ రాజా సహ నిర్మాతగా వ్యవహరిస్తున్నారు. ప్రముఖ దర్శకుడు త్రినాథరావు నక్కిన ఈ చిత్రానికి కథ, స్క్రీన్ప్లే అందించడంతో పాటు ఒక ముఖ్య పాత్రలోనూ నటించారు. మాయా. వి కెమెరామెన్గా, దేవ్ జండ్ సంగీత దర్శకుడిగా, శ్రీకృష్ణ అట్టలూరి ఎడిటర్గా ఈ చిత్రానికి బాధ్యతలు నిర్వర్తించారు.
తారక్ పొన్నప్ప, ఇంద్రజ అబ్సర్, మహబూబ్ బాషా, నందిని రాయ్ ఇతర కీలక పాత్రలు పోషించిన ఈ రా అండ్ రస్టిక్ చిత్రాన్ని ఆగస్ట్ 7న విడుదల చేయడానికి నిర్మాతలు సన్నహాలు చేస్తున్నారు. ఇప్పటికే విడుదలైన ‘అమ్మోరు దిగినాది’, ‘లబ్బరు బొమ్మ’ పాటలకు శ్రోతల నుంచి మంచి స్పందన లభించిందని చిత్ర యూనిట్ పేర్కొంది.
వీడియో కోసం ఇక్కడ క్లిక్ చేయండి