ప్రస్తుతం హిట్స్ లేదా ఫ్లాప్స్ తో సంబంధం లేకుండా వరుస సినిమాలతో, తన సినిమాల విషయంలో పలు వివాదాలు క్రియేట్ చేస్తూ సెన్సేషన్ క్రియేట్ చేసే డైరెక్టర్ రామ్ గోపాల్ వర్మ. రామ్ గోపాల్ వర్మ మంచు విష్ణు హీరోగా ఓ సినిమా చేస్తున్నాడు. షూటింగ్ మొత్తం పూర్తి చేసుకున్న ఈ సినిమాకి ఇటీవలే ‘అనుక్షణం’ అనే టైటిల్ ని ఖరారు చేసారు.
ఈ రోజు ఈ సినిమాలోని టైటిల్ సాంగ్ లాంచ్ హైదరాబాద్ లో జరిగింది. ఈ కార్యక్రమంలో ఈ సినిమాని ఆగష్టు 15న రిలీజ్ చేయనున్నట్లు తెలిపారు. ‘అమ్మాయిలూ జాగ్రత్త’ అనేది ఈ సినిమాకి ఉపశీర్షిక. అమ్మాయిలపై జరుగుతున్న అత్యాచారాలపై జరుగుతున్న పాయింట్ ని తీసుకొని సస్పెన్స్ థ్రిల్లర్ గా తెరకెక్కుతున్న ఈ సినిమాలో మంచు విష్ణు సరసన తేజస్వి నటిస్తుండగా, మధు శాలిని ఓ జర్నలిస్ట్ పాత్రలో కనిపించనుంది. చాలా రోజుల తర్వాత సీనియర్ నటి రేవతి ఈ సినిమా ద్వారా తెలుగులో కనిపించనుంది.