అక్కినేని యంగ్ హీరో అఖిల్ నటించిన ‘లెనిన్’ చిత్రం థియేటర్లలో హౌస్ఫుల్ కలెక్షన్లతో దూసుకుపోతుండటంతో చిత్ర యూనిట్ ఫుల్ జోష్లో ఉంది. తాజాగా చిత్రబృందం అభిమానులు మరియు ప్రేక్షకుల సమక్షంలో గ్రాండ్గా సక్సెస్ మీట్ను నిర్వహించింది. ఈ వేడుకలో అఖిల్ భార్య జైనబ్ రావ్జీ ప్రత్యేక ఆకర్షణగా నిలిచింది. వివాహం తర్వాత అఖిల్తో కలిసి ఆమె ఒక సినిమా ఈవెంట్లో పాల్గొనడం ఇదే మొదటిసారి కావడం విశేషం.
ఈ వేడుకలో భాగంగా ‘లెనిన్’ సినిమాలో అఖిల్ నటనపై జైనబ్ స్పందిస్తూ ‘అయ్యగారే నెం.1’ అంటూ కామెంట్ చేసింది. గతంలో ఒక అభిమాని డైలాగ్తో మొదలై సోషల్ మీడియాలో విపరీతంగా ట్రెండ్ అయిన ఈ మీమ్ ఫ్రేజ్, ఇప్పుడు సినిమా సూపర్ హిట్ కావడంతో మళ్లీ వైరల్ అవుతోంది. తాజాగా జైనబ్ స్వయంగా ఈ డైలాగ్ చెప్పిన వీడియో నెట్టింట తెగ చక్కర్లు కొడుతోంది.
మురళి కిషోర్ అబ్బూరు దర్శకత్వంలో రాయలసీమ నేపథ్యంలో తెరకెక్కిన ఈ యాక్షన్ రొమాంటిక్ ఎమోషనల్ డ్రామాను అన్నపూర్ణ స్టూడియోస్, సితార ఎంటర్టైన్మెంట్స్ సంయుక్తంగా నిర్మించాయి. పెళ్లి తర్వాత అఖిల్కు దక్కిన ఈ మొదటి విజయం అక్కినేని అభిమానుల్లో సరికొత్త ఉత్సాహాన్ని నింపింది.
