తెలుగు చలన చిత్ర పరిశ్రమలో అత్యంత భారీ బడ్జెట్ తో తెరకెక్కుతున్న చిత్రం బాహుబలి. ఈ చిత్రానికి సంబందించిన ట్రైలర్ ను, ఆడియో ను మే 31 న హైదరాబాద్ లో విడుదల చేయనున్నారు. చిత్ర ట్రైలర్ కంటే ముందు, డైరెక్టర్ ఈ చిత్రానికి సంబంధించిన పోస్టర్లను ఒక్కొక్కటిగా విడుదల చేస్తూ చిత్రంపై భారీ అంచనాలు నెలకొల్పుతున్నారు. దీంతో ఈ చిత్ర ఆడియో ప్రత్యక్ష ప్రసారాలను ప్రసారం చేసేందుకు ప్రముఖ తెలుగు న్యూస్ ఛానల్ టీవీ5 భారీ ధర చెల్లించి ప్రత్యక్ష ప్రసార హక్కులను సొంతం చేసుకుంది. కాగా ఇప్పటికే లహరి ఆడియో సంస్ద ఈ చిత్ర ఆడియో హక్కులను దాదాపు రూ.3 కోట్లకు సొంతం చేసుకుంది. ఆర్కా మీడియా వర్క్స్ పై తెరకెక్కుతున్న ఈ భారీ బడ్జెట్ చిత్రానికి రాజమౌళి దర్శకత్వం వహిస్తున్నారు. ప్రభాస్, రానా, అనుష్క, తమన్నా ప్రధాన పాత్రలు పోషించిన ఈ చిత్రం జూలై 10 న ప్రేక్షకుల ముందుకు రానుంది.