మరోసారి సిద్దమంటున్న బెల్లంకొండ హీరో !

Published on Jun 1, 2019 12:00 am IST

2017లో వచ్చిన ‘జయ జానకి నాయక’ తర్వాత హీరో బెల్లోండా శ్రీనివాస్ ఖాతాలో మరో హిట్ పడలేదు. ‘సాక్ష్యం, కవచం’ ఈమధ్యే వచ్చిన ‘సీత’ ఇలా మూడు చిత్రాలు ఆయనకు ఆశించిన ఫలితాన్ని, నిలదొక్కుకోవడానికి కావాల్సిన ఫలితాన్ని ఇవ్వలేదు. అయినా ఈ యువ హీరో ఏమాత్రం నిరుత్సాహపడటంలేదు. రెట్టించిన ఉత్సాహంతో ఇంకో సినిమా చేస్తున్నాడు.

అదే ‘రాక్షసుడు’. ఇది తమిళంలో మంచి విజయాన్ని అందుకున్న ‘రాక్షసన్’ సినిమాకు రీమేక్. రమేష్ వర్మ దర్శకత్వంలో రూపొందుతున్న ఈ చిత్రం చివరి దశ పనుల్లో ఉంది. ఇప్పటికే ఫస్ట్ లుక్ రిలీజ్ కాగా రేపు జూన్ 1వ తేదీన టీజర్ విడుదలకానుంది. ఈ సినిమా తప్పకుండా తనకు విజయాన్ని అందిస్తుందని శ్రీనివాస్ భావిస్తున్నారు. సత్యనారాయణ కోనేరు నిర్మిస్తున్న ఈ చిత్రంలో అనుపమ పరమేశ్వరన్ కథానాయకిగా కనిపించనుంది.

సంబంధిత సమాచారం :

X
More