బర్నింగ్ స్టార్ గా టాలివుడ్ చిత్ర సీమకు హృదయ కాలేయం సినిమా ద్వారా పరిచయమైనా సంపూర్నేష్ బాబు, తన తొలి సినిమాతోనే అందర్నీ ఆకట్టుకున్నాడు. తన మొదటి చిత్రం మంచి విజయం సాధించడంతో… అనేక పెద్ద హీరోలతో కలిసి నటించే అవకాశం సంపూర్నేష్ బాబుకు వచ్చింది. ప్రస్తుతం సంపూర్నేష్ బాబు రెండు చిత్రాలలో నటిస్తున్నాడు. మంచు ఫ్యామిలి బ్యానర్ 24 ఫ్రేమ్స్ ఫ్యాక్టరీ లో మంచు విష్ణు నిర్మిస్తున్న సింగం 123 అనే సినిమాలో సంపూర్నేష్ బాబు పవర్ ఫుల్ పోలీస్ గా నటిస్తున్నాడు. కామెడీ జానర్ లో వస్తున్న ఈ చిత్రం సమ్మర్ లో విడుదల కానున్నది. ఇక ఈ చిత్రం తరువాత సంపూర్నేష్ బాబు కొబ్బరి మట్టగా మరో చిత్రంలో కనిపించబోతున్నారు. ఇందులో మొత్తం మూడు క్యారెక్టర్ లో కనిపించబోతున్నట్టు తెలుస్తున్నది. ఇప్పటికే ఈ చిత్రానికి సంబంధించి ఒక పాట విడుదలైంది. ఈ సాంగ్ ఇప్పుడు సోషల్ మీడియా లో హల్ చల్ చేస్తున్నది.