నేచురల్ స్టార్ నాని, దర్శకుడు శ్రీకాంత్ ఓదెల క్రేజీ కాంబినేషన్లో వస్తున్న భారీ రా అండ్ రస్టిక్ యాక్షన్ డ్రామా ‘ది ప్యారడైజ్’ (#TheParadise). ‘దసరా’ వంటి బ్లాక్బస్టర్ తర్వాత వీరిద్దరి కలయికలో వస్తున్న చిత్రం కావడంతో దీనిపై సినీ వర్గాల్లో భారీ అంచనాలు ఉన్నాయి. సెప్టెంబర్ 24న ప్రపంచవ్యాప్తంగా థియేటర్లలోకి రానున్న ఈ చిత్రానికి సంబంధించి, తెలుగు రాష్ట్రాల్లో టికెట్ ధరల ప్రణాళికలపై ఇండస్ట్రీలో ఆసక్తికర చర్చ మొదలైంది.
సెప్టెంబర్ 23 రాత్రి నుంచే ప్రీమియర్స్ ప్లాన్
తాజా సమాచారం ప్రకారం, సినిమా గ్రాండ్ రిలీజ్కు ఒక రోజు ముందే.. అంటే సెప్టెంబర్ 23వ తేదీ రాత్రి 9 గంటల నుంచే ఆంధ్రప్రదేశ్, తెలంగాణల్లో భారీ ఎత్తున ప్రీమియర్ షోలు వేసేందుకు సన్నాహాలు జరుగుతున్నాయి. ఈ ప్రీమియర్లకు సంబంధించి సింగిల్ స్క్రీన్లలో ₹300, మల్టీప్లెక్సుల్లో ₹400 వరకు టికెట్ రేట్లు నిర్ణయించే దిశగా చర్చలు సాగుతున్నట్లు తెలుస్తోంది.
మొదటి పది రోజుల ధరలపై ట్రేడ్ బజ్
రిలీజ్ రోజు నుంచి మొదటి 10 రోజుల సాధారణ షోల టికెట్ ధరల ప్రతిపాదనల వివరాలు కూడా సినీ సర్కిల్స్లో చక్కర్లు కొడుతున్నాయి.
తెలంగాణలో సింగిల్ స్క్రీన్లలో గరిష్టంగా ₹227 వరకు, మల్టీప్లెక్సులలో గరిష్టంగా ₹370 వరకు టికెట్ ధరలు ఉండవచ్చని సమాచారం. అలాగే ఆంధ్రప్రదేశ్లో సింగిల్ స్క్రీన్లకు గరిష్టంగా ₹197.50 వరకు, మల్టీప్లెక్సులకు గరిష్టంగా ₹252 వరకు ధరలను ప్రతిపాదించే ఆలోచనలో ఉన్నట్లు ట్రేడ్ వర్గాల ద్వారా తెలుస్తోంది.
అయితే ఇవి కేవలం నిర్మాతలు, పంపిణీదారుల మధ్య జరుగుతున్న అంతర్గత ప్రతిపాదనలు మాత్రమే. ప్రభుత్వాల నుంచి అధికారిక అనుమతులు, ఉత్తర్వులు జారీ అయిన తర్వాతే తుది టికెట్ ధరలపై పూర్తి స్పష్టత రానుంది.