న్యాచురల్ స్టార్ నాని నటిస్తున్న లేటెస్ట్ చిత్రాల్లో ‘ది ప్యారడైజ్’ కూడా ఒకటి. ‘దసరా’ వంటి బ్లాక్‌బస్టర్ హిట్ అందించిన యంగ్ డైరెక్టర్ శ్రీకాంత్ ఓదెల ఈ సినిమాను తెరకెక్కిస్తున్నాడు. ఇక నానితో అతను చేస్తున్న రెండో చిత్రం కావడంతో ఈ మూవీపై ప్రేక్షకుల్లో భారీ అంచనాలు క్రియేట్ అయ్యాయి. అయితే, ఈ సినిమా నుంచి ఇప్పటివరకు ఎలాంటి మేజర్ అప్డేట్ రాలేదు.
కానీ, ఈ సినిమాకు ఉన్న క్రేజ్ ఏమిటో ఈ చిత్ర ఓవర్సీస్ డీల్ చూస్తే అర్థమవుతుంది. ప్రముఖ ఓవర్సీస్ డిస్ట్రిబ్యూషన్ సంస్థ ప్రత్యంగిర సినిమాస్ నాని-శ్రీకాంత్ ఓదెల కాంబినేషన్‌లో రానున్న ‘ది ప్యారడైజ్’ చిత్ర ఓవర్సీస్ రైట్స్‌ను భారీ డీల్‌కు దక్కించుకున్నట్లు తెలుస్తోంది. నాని కెరీర్‌లో ఇది హయ్యెస్ట్ ఓవర్సీస్ డీల్ అని సినీ సర్కిల్స్‌లో వార్తలు వినిపిస్తున్నాయి. ఇలా సినిమా నుంచి ఎలాంటి మేజర్ అప్డేట్ రాకముందే, నాని సినిమా ఓవర్సీస్ రైట్స్‌తో దుమ్ములేపింది.
ఇక నానికి ఓవర్సీస్‌లో సాలిడ్ ట్రాక్ రికార్డు ఉన్న సంగతి తెలిసిందే. ఆయన నటించిన సినిమాలకు అక్కడ మంచి క్రేజ్ ఉంటుంది. ఈ కారణంతోనే ‘ది ప్యారడైజ్’ చిత్ర ఓవర్సీస్ రైట్స్ భారీ రేటుకు కొనుగోలు చేశారట. మరి దీనికి సంబంధించిన అధికారిక ప్రకటన ఎప్పుడు వస్తుందో చూడాలి.