తెలుగు చలన చిత్ర సీమకి ఒక పిల్లర్ లా నిలబడిన వ్యక్తి దర్శకరత్న దాసరి నారాయణరావు. దాసరి ఒక దర్శకుడిగానే కాకుండా కాంగ్రెస్ ప్రభుత్వ హయాంలో కేంద్ర మంత్రిగా కూడా పనిచేసారు. అప్పుడు జరిగిన ఓ కుంభకోణం ఇప్పుడు ఆయన మెడకు చుట్టుకుంది. ఇక అసలు విషయంలోకి వెళితే.. కాంగ్రెస్ హయాంలో జరిగిన జార్ఖండ్ లోని జిందాల్ కంపెనీకి చెందిన బొగ్గు గనుల కేటాయింపుల్లో దాసరి నిందితుడు. ఈ భారీ బొగ్గు కుంభకోణంలో దాసరికి కూడా భాగస్వామ్యం ఉందని ఆయన్ని కూడా ఈడీ విచారణ జరిపింది. అంతే కాకుండా దాసరి ఆస్తుల అటాచ్మెంట్కు కూడా రంగం సిద్దం చేసుకుంది.
ఫైనల్ గా ఈ సీబీఐ కేసు విచారణని ముగించింది. బొగ్గు కుంభకోణం పై కేంద్ర దర్యాప్తు టీం ఈ రోజు అభియోగా పత్రం దాఖలు చేసింది. ఈ అభియోగా పత్రంలో 14 మంది పేర్లను పొందు పరిచింది. అందులో నవీన్ జిందాల్ తో పాటు మాజీ కేంద్ర మంత్రి దాసరి నారాయణరావు, ఝార్ఖండ్ మాజీ ముఖ్యమంత్రి మధు కోడా, ఎస్.సి గుప్తా తదితరులు ఉన్నారు. ఎన్నాళ్ళ నుంచో ఈ బొగ్గు కుంభకోణం దాసరి మెడకి చుట్టుకుంటోందని అంటూనే వస్తున్నారు. అన్నట్టుగానే ఆయనపై అభియోగ పత్రం నమోదైంది. దాసరి పేరు అభియోగాపత్రం లో దాఖలు చేయడం వలన ఇకపై ఆయన ఆస్తులను జప్తు చేసి, ఈ కేసును కోర్టుకి పంపడం జరుగుతుంది. మరి మన దాసరి గారిపై మోపిన ఈ అభియోగపత్రంపై ఆయన ఎలాంటి కామెంట్ చేస్తారో చూడాలి.
