ఒక హీరోగా, నిర్మాతగా ‘పటాస్’ సినిమాతో సూపర్ హిట్ అందుకున్న యంగ్ హీరో నందమూరి కళ్యాణ్ రామ్. మొదటిసారిగా కళ్యాణ్ రామ్ తన ఎన్.టి.ఆర్ ఆర్ట్స్ బ్యానర్ పై బయటి హీరోతో చేస్తున్న సినిమా ‘కిక్ 2’. మాస్ మహారాజ రవితేజ హీరోగా నటిస్తున్న ఈ సినిమా ‘కిక్’ సినిమాకి సీక్వెల్. రవితేజ ఎనర్జీకి తగ్గట్టుగా, అంతే ఎంటర్టైన్మెంట్ తో మరోసారి ప్రేక్షకులను చేసిన ఈ సినిమా షూటింగ్ మొత్తం పూర్తయ్యింది. ఎస్ఎస్ తమన్ అందించిన మ్యూజిక్ అందించిన ఈ మూవీ ఆడియో ఆల్బమ్ ని మే 9న రిలీజ్ చేయనున్నారనే విషయాన్ని ఇది వరకే తెలియజేశాం.
తాజా సమాచారం ప్రకారం కిక్ 2 సినిమా ఆడియో లాంచ్ కి ముఖ్య అతిధిగా యంగ్ టైగర్ ఎన్.టి.ఆర్ హాజరు కానున్నాడని సమాచారం. ఎన్.టి.ఆర్ కి అన్న అయిన కళ్యాణ్ రామ్ ఈ సినిమాని నిర్మిస్తుండడం వలన సినిమా ప్రమోషన్స్ లో తన వంతు సాయం చేస్తున్నాడు. కిక్ సినిమాకి కొనసాగింపుగా ఆ పార్ట్ లోని రవితేజ – ఇలియానాల వారసుడి కథని ఆధారం చేసుకొనిఈ సినిమాలో రవితేజ ఇందులో ద్విపాత్రాభినయంలో కనిపించనున్నాడు. రవితేజ సరసన రకుల్ ప్రీత్ సింగ్ హీరోయిన్ గా నటిస్తున్న ఈ సినిమాకి సురేందర్ రెడ్డి డైరెక్టర్.
ఇదిలా ఉంటే ఈ రోజు సాయంత్రం జరగనున్న స్వర్గీయ నందమూరి జానకిరామ్ తనయుడు మాస్టర్ ఎన్.టి.ఆర్ నటించిన ‘దాన వీర శూర కర్ణ’ ఆడియోకి కూడా యంగ్ టైగర్ ఎన్.టి.ఆర్, నందమూరి కళ్యాణ్ రామ్ ముఖ్య అతిధులుగా హాజరు కానున్నారు.