మెగాస్టార్ చిరంజీవి ప్రస్తుతం వరుస సినిమాలతో బిజీ బిజీగా ఉన్నాడు. కొరటాల శివ దర్శకత్వంలో ‘ఆచార్య’ షూటింగ్ ఇప్పటికే పూర్తి చేసుకున్న చిరు ప్రస్తుతం గాడ్ఫాదర్, భోళా శంకర్ సినిమాల షూటింగ్‌లో బిజీగా ఉన్నాడు. ఇదిలా ఉంటే బాబీతో కూడా చిరు ఓ సినిమా చేస్తున్న సంగతి తెలిసిందే. #Mega154 వర్కింగ్ టైటిల్తో వస్తున్న ఈ సినిమా ఫస్ట్ లుక్ పోస్టర్ ఇప్పటికే విడుదలై సినిమాపై మంచి హైప్‌ని తీసుకొచ్చింది.
అయితే తాజాగా ఈ సినిమా సెట్స్‌లో దర్శకుడు బాబీ చిరంజీవితో ఏదో చర్చిస్తున్నట్టుగా ఉన్న ఫోటో బయటకొచ్చింది. మాస్‌ కథాంశంతో తెరకెక్కుతోన్న ఈ సినిమాలో చిరు ఓ జాలరిగా మాస్‌ గెటప్‌లో కనిపించబోతున్నట్టు తెలుస్తుంది. మైత్రీ మూవీ మేకర్స్ భారీ బడ్జెట్తో నిర్మిస్తున్న ఈ సినిమాకి దేవీశ్రీ ప్రసాద్ సంగీతం అందిస్తున్నారు.