ఇటీవల బాలీవుడ్ సినిమాకి బిగ్గెస్ట్ ఇండస్ట్రీ హిట్ ని ఇచ్చి దర్శకుడు ఆదిత్య ధర్ అందరికీ షాకిచ్చిన సంగతి తెలిసిందే. సింపుల్ అంచనాలు నడుమ వచ్చిన తన ధురంధర్ (Dhurandhar) చిత్రం పాన్ ఇండియా లెవెల్ రిలీజ్ కాకుండానే ఆ రేంజ్ సంచలనం సెట్ చేసింది. అయితే ఈ ఒక్క సినిమాతో అసలు ఈ దర్శకుడు ఎవరు అని కూడా చాలా మంది వెతికేసారు. ఇక ఈ సెన్సేషనల్ ఇప్పుడు తెలుగులో సినిమా చేసేందుకు సిద్ధం అవుతున్నట్టు తెలుస్తుంది.
టాలీవుడ్ కి చెందిన ఓ భారీ నిర్మాణ సంస్థ ప్రస్తుతం ఆదిత్య ధర్ తో ఓ సినిమా చేసేందుకు రెడీ అవుతున్నారట. ఇక ఈ సినిమా లాక్ చేసేందుకు ఇద్దరు బిగ్ స్టార్స్ పేర్లు కూడా వినిపిస్తున్నాయి. ఆ సదరు నిర్మాణ సంస్థ మ్యాన్ ఆఫ్ మాసెస్ ఎన్టీఆర్ లేదా ఐకాన్ స్టార్ అల్లు అర్జున్ ఇద్దరిలో ఎవరితో ఆదిత్య ధర్ కాంబినేషన్ ని లాక్ చేయాలని చూస్తున్నట్టు సినీ వర్గాల్లో టాక్. మరి ఈ ఊహించని కలయిక ఉంటుందో లేదో కాలమే నిర్ణయించాలి.