మాస్ డైరెక్టర్ బోయపాటి శ్రీను దర్శకత్వంలో బాలయ్య బాబు హీరోగా రాబోతున్న సినిమాలో మరో హీరో నారా రోహిత్ ఓ కీలక పాత్రలో నటిస్తున్నాడని గత కొన్ని రోజులుగా వార్తలు వస్తున్నాయి. అయితే ఫిల్మ్ సర్కిల్స్ లో టాక్ ప్రకారం ఈ సినిమాలో నారా రోహిత్ ఎలాంటి క్యారెక్టర్ చేయడం లేదట. యంగ్ ఎమ్మెల్యే క్యారెక్టర్ లో నారా రోహిత్ కనిపించబోతున్నాడని వస్తున్న వార్తలు పూర్తిగా ఫేక్ అట.
కాగా ఈ చిత్రాన్ని మిర్యాల రవీందర్ రెడ్డి నిర్మించనుండగా సంగీత దర్శకుడు తమన్ సంగీతం సమకూరుస్తున్నారు. ఇక బాలయ్యకు ‘సింహ’ రూపంలో పెద్ద హిట్ ఇచ్చిన బోయపాటి ఆ తర్వాత దాన్ని మించి ‘లెజెండ్’ విజయాన్ని అందించారు. కాబట్టి ఈసారి ‘లెజెండ్’ను మించిన హిట్ పడాలని ఫ్యాన్స్ ఆశిస్తున్నారు. బాలయ్య కూడా జయాపజయాలతో సంబంధం లేకుండా వరుస సినిమాలతో ఫుల్ బిజీ అవుతున్నారు.