సూపర్ స్టార్ మహేశ్ బాబు హీరోగా వంశీ పైడిపల్లి దర్శకత్వంలో వచ్చిన ‘మహర్షి’ సూపర్ హిట్ టాక్ తో బాక్సాఫీస్ వద్ద భారీ వసూళ్ల వర్షం కురిపిస్తోన్న సంగతి తెలిసిందే. ఇప్పటికే తెలుగు రాష్ట్రాల్లో ఈ చిత్రం నైజాం లాంటి కొన్ని చోట్ల నాన్ బాహుబలి రికార్డును కూడా బ్రేక్ చేసింది. కాగా చిత్రబృందం ఈ రోజు సక్సెస్ మీట్ ను నిర్వహించింది. ఈ సక్సెస్ మీట్ లో చిత్రబృందం మొత్తం పాల్గొంది.
ఈ సందర్భంగా మహేశ్ బాబు మాట్లాడుతూ.. ‘ఈ సినిమా ఇంత పెద్ద సక్సెస్ కావడానికి కారణమయిన తన అభిమానులు మరియు తెలుగు ప్రేక్షకులందరికీ చాలా థాంక్స్. ఈ రోజు మదర్స్ డే..నాకు చాలా స్పెషల్ డే. నాకు మా అమ్మగారంటే దైవంతో సమానం. ఎప్పుడూ సినిమా మొదలుపెట్టినా.. ఆమె దగ్గరికి వెళ్లి కాఫీ తాగితే.. నాకు ఎదో ప్రసాదం తిన్న ఫీలింగ్ కలుగుతుంది. ఇక ఈ సినిమాలో నటించిన ప్రతి ఒక్కరికి కృతజ్ఞతలు. అలాగే దేవి మ్యూజిక్ గురించి చెప్పాలి. తనంటే నాకు ప్రాణం. అంతబాగా ఈ సినిమాకి తను పని చేశాడు. మా నిర్మాతలందరికీ ఇంతమంచి సినిమాను నాకు ఇచ్చినందుకు చాలా థాంక్స్ సర్. నా కెరీర్ బిగ్గెస్ట్ హిట్స్ ను వన్ వీక్ లో దాటేస్తున్నాం. వంశీ నాకు ఎప్పటికి మర్చిపోలేని హిట్ ఇచ్చాడు’ అని తెలిపారు.