ప్రస్తుతం మెగాస్టార్ చిరంజీవి హీరోగా కాజల్ అగర్వాల్ హీరోయిన్ గా బ్లాక్ బస్టర్ దర్శకుడు కొరటాల శివ దర్శకత్వంలో “ఆచార్య” అనే భారీ బడ్జెట్ చిత్రం తెరకెక్కిస్తున్న సంగతి తెలిసిందే. అలాగే మెగా తనయుడు మెగాపవర్ స్టార్ రామ్ చరణ్ కూడా ఓ కీలక పాత్రలో నటించిన ఈ చిత్రం అన్ని బాగుండి ఉంటే ఈ పాటికి థియేటర్స్ లో ఆచార్య యుఫోరియా విట్నెస్ చేసి ఉండే వాళ్ళం అని మెగా ఫాన్స్ బాధ పడుతున్నారు.
కోవిడ్ పరిస్థితులు కనుక కంట్రోల్ లో ఉండి ఉంటే సరిగ్గా ఇదే రోజు మే 13న ఆచార్య విడుదల అయ్యి ఆ హంగామానే వేరేలా ఉంటుందని మెగా ఫ్యాన్స్ అంతా సోషల్ మీడియాలో గుర్తు చేసుకుంటున్నారు. మొత్తానికి ఏం చేస్తాం సినిమా అయితే విడుదల లేదు.. అని అనుకొని కొత్త విడుదల తేదీ కోసం చూస్తున్నారు. ఇక ఈ భారీ చిత్రానికి మణిశర్మ సంగీతం అందిస్తుండగా మ్యాట్నీ ఎంటర్టైన్మెంట్స్ వారు నిర్మాణం వహిస్తున్నారు.