మెగాస్టార్ చిరంజీవి తమిళ హిట్ మూవీ వేదాళం రీమేక్ ను డైరెక్టర్ మెహర్ రమేష్ డైరెక్ట్ చేయబోతున్న సంగతి తెలిసిందే. 2021లో ఈ సినిమా సెట్స్ పైకి వెళ్లనుంది. కాగా తాజాగా లేటెస్ట్ అప్ డేట్ ఏమిటంటే.. ఈ సినిమా కోల్‌కత్తా బ్యాక్‌డ్రాప్ లో నడుస్తోందట. నేపథ్యానికి కథకు మధ్య ప్రత్యేక లింక్ ఉంటుందట. కలకత్తా నేపథ్యాన్ని కథలో యాడ్ చేస్తున్నారట. ఇక 2015లో అజిత్ హీరోగా వచ్చిన వేదాళం మూవీ భారీ విజయాన్ని అందుకుంది.
ప్రస్తుతం మెహర్ ఈ చిత్రానికి లొకేషన్స్ వేటలో ఉన్నట్టు తెలుస్తుంది. ముఖ్యంగా ఈ చిత్రానికి ఒరిజినల్ వెర్షన్ లో కీలక ఎపిసోడ్స్ లోని లొకేషన్స్ లోనే తెరకెక్కించాలని అనుకుంటున్నారట. అలాగే ఈ చిత్రంలో చిరు సోదరి రోల్ కు సాయి పల్లవిని ఎంపిక చేశారన్న సంగతి తెలిసిందే. క్రియేటివ్ కమర్షియల్స్ బ్యానర్ లో కె ఎస్ రామారావు నిర్మించే అవకాశం కలదట. లేని పక్షంలో రామ్ చరణ్ కొణిదెల ప్రొడక్షన్స్ బ్యానర్ లో నిర్మిస్తారట.