శ్రీవాస్ దర్శత్వంలో బెల్లం కొండ సాయి శ్రీనివాస్ , పూజా హెగ్డే జంటగా అభిషేక్ పిక్చర్స్ పతాకం ఫై అభిషేక్ నామ నిర్మించిన చిత్రం ‘సాక్ష్యం’. ఈనెల 27 న ఈచిత్రం ప్రేక్షకులముందుకు వచ్చింది. ఈ సంధర్బంగా ఈ చిత్ర దర్శకుడు శ్రీవాస్ మీడియాతో మాట్లాడారు. ఆ విశేషాలు ఇప్పుడు మీ కోసం..
సినిమా రెస్పాన్స్ ఎలా ఉంది సర్ ?
సినిమా గురించి రెస్పాన్స్ చాలా బాగుంది. ప్రేక్షకులందరూ కూడా సినిమా కొత్తగా ఫీల్ అయ్యాం అని చెప్తున్నారు. సినిమాలో ముఖ్యమైన సన్నివేశాలకు, యాక్షన్ సన్నివేశాలకు మంచి స్పందన వస్తోంది. సినిమా ఓపెనింగ్స్ కూడా బాగున్నాయి.
అసలు ఈ థాట్ ఎలా వచ్చింది ?
జనరల్ గా కొత్త కొత్త కాన్సెప్ట్ లతో సినిమా చెయ్యాలని నా కోరిక. ఆ ఉద్దేశంలో ఉన్నప్పుడే ఈ మూవీకి సంబంధించిన థీమ్ నాకు ఫస్ట్ ఐడియాలా వచ్చింది. అసలు ఈ పాయింట్ ఇదివరకు ఎక్కడైనా వచ్చిందా ? అని అంతా చూసుకొని ఎక్కడా ఈ పాయింట్ మీద సినిమా రాలేదు అనుకున్న తర్వాత ఈ సినిమా కథ మీద వర్క్ చెయ్యటం జరిగింది.
ఈ భారీ బడ్జెట్ సినిమాకు పెద్ద హీరోలతో వెళ్లొచ్చు కదా ? ఎందుకు బెల్లండకొండ శ్రీనివాస్ తోనే చేశారు ?
పెద్ద హీరోలు అంటే వాళ్ళ ఫ్యాన్స్ మా హీరో ఇలానే ఉండాలి ? సినిమాలో మొత్తం మా హీరోనే ఉండాలి ఇలాంటి సమస్యలు వస్తాయి. అయినా నేను పెద్ద హీరోలు కోసం ట్రే చెయ్యలేదు. కానీ బెల్లంకొండ సాయి శ్రీనివాస్ చాలా బాగా చేశాడు. మంచి కసితో పని చేశాడు.
ఈ సినిమాలో వాల్మీకి పాత్రలో అనంత్ శ్రీ రామ్ ను తీసుకోవడానికి కారణం ఏమిటి ?
వాల్మీకి పాత్రలో రెగ్యులర్ ఆర్టిస్టు కాకుండా నాచ్యురల్ గా అచ్చం ఒక రైటర్ లా ఉండాలి అనుకున్నాము.అంటే ఆ పాత్ర ఒక పాసింగ్ క్లవ్డ్ లా ఉండాలి. అనంత్ శ్రీ రామ్ నాకు దగ్గరగా ట్రావెల్ అవ్వటం వల్ల, తను చేస్తే బాగుంటుంది కదా అనిపించి చివరికి తననే పెట్టడం జరిగింది.
అసలు ఈ సినిమా గురించి చెప్పండి ?
ఫ్యామిలీతో సరదాగా ఏ అరుపులు గోళాలు లేని థియేటర్లోకి వెళ్లి ఈ సినిమా చూడండి. ఖచ్చితంగా మీరు కొత్తగా ఫీల్ అవుతారు. మీకు మూవీ చాలా బాగా నచ్చుతుంది.
సినిమాలో వైలెన్స్ మరి ఎక్కువుగా ఉందని అంటున్నారు ? దీనికి మీరు ఏం చెప్తారు ?
నేను వైలెన్స్ అనుకోని తీయలేదు. ఓ సెంటిమెంట్ అనుకోని తీసాను. ఓ నేచర్ పగ బట్టాలంటే జరగకూడని సంఘటనలు జరగాలి. విలన్స్ అంత దారుణంగా వైలెన్స్ చేస్తేనే, నేచర్ రివైంజ్ తీర్చుకుంటుంది. ఆ పాయింట్ ఆఫ్ వ్యూ తోనే అంత వైలెన్స్ పెట్టడం జరిగింది.
మీ కొత్త సినిమాలు గురించి చెప్పండి ? తర్వాత సినిమా ఎవరితో ప్లాన్ చేస్తున్నారు ?
ఎప్పుడు ఒకే టైపు సినిమాలు చెయ్యటం నాకు ఇష్టం ఉండండి. లక్ష్యం దగ్గర నుంచి ఇప్పటివరకు నేను చేసిన సినిమాలు మీరు చూస్తే ఆ విషయం మీకే అర్ధమవుతుంది. అయితే ప్రస్తుతం నా దగ్గర ఓ కూడా రకం కథ ఉంది. అస్సలు ఫైట్స్ లేని ఓ డిఫరెంట్ పాయింట్ ఉన్న కథ అది. దాన్ని ఖచ్చితంగా సినిమాగా చేస్తా. కానీ పరిస్థితులని బట్టి, హీరోల డేట్లును బట్టే నా తర్వాత సినిమా ఉంటుంది.
హీరోని బాగా కష్టపెట్టినట్లు ఉన్నారు ?
తను నిజంగా చాలా బాగా చేసాడు. మీరు సినిమాలో చూస్తే తాను ఇంట్రడక్షన్ సీన్ లో కానీ యాక్షన్ సీన్స్ లో ఎంతో రిస్క్ చేసి మరి సాయి శ్రీనివాస్ యాక్ట్ చేశాడు.
బుర్రా సాయి మాధవ్ డైలాగ్స్ గురించి చెప్పండి ?
బుర్రా సాయి మాధవ్ గారి డైలాగ్స్ ఈ సినిమాకి చాలా బాగా హెల్ప్ అయ్యాయి. ఆయన చాలా బాగా రాశాడు. మేం చాలా సబ్జెక్ట్ అనుకున్నా ఆయన చాలా సింపుల్ గా డైలాగ్ రూపంలో చాలా చక్కగా రాశారు.
ఈ సినిమాకు మీరు అందుకున్న బెస్ట్ కాంప్లిమెంట్ ఏమిటి ?
మా హీరో బెల్లం కొండ సాయి శ్రీనివాస్ తల్లిగారి దగ్గరనుంచి నేను ఈ సినిమాకు బెస్ట్ కాంప్లిమెంట్ అందుకున్నాను. ఆవిడ సినిమా చూసి ఏడ్చుకుంటూ ఒకరకంగా చెప్పాలంటే చాలా ఎమోషనల్ అయిపోయి నా కొడుకును నిలబెట్టావు అని చాలా హ్యాపీగా ఫీల్ అయ్యారు. వాళ్ళ ఫ్యామిలీ మొత్తం కూడా అలాగే ఫీల్ అయ్యారు.