డైలాగ్ రైటర్ గా కెరీర్ మొదలు పెట్టి .. సక్సెస్ ఫుల్ సినిమాల డైరెక్టర్ గా ఎదిగాడు అనిల్ రావిపూడి. తాజాగా విక్టరీ వెంకటేష్, వరుణ్ తేజ్ లతో ‘ఎఫ్ 2’ అనే క్రేజీ మల్టీ స్టారర్ తెరకెక్కించిన విషయం తెలిసిందే. ఈ చిత్రం మంచి పాజిటివ్ రిపోర్ట్స్ ను సొంతం చేసుకుని బాక్సాఫీస్ వద్ద సక్సెస్ ఫుల్ గా రెవిన్యూని రాబట్టి ఈ ఏడాది సంక్రాంతి విన్నర్ గా నిలిచింది. దిల్ రాజు నిర్మించిన ఈ చిత్రానికి దేవి శ్రీ ప్రసాద్ సంగీతం అందించారు.
అయితే తాజాగా సినీ వర్గాల సమాచారం ప్రకారం అనిల్ నెక్స్ట్ ఫిల్మ్ గురించి ఇప్పుడు సోషల్ మీడియాలో ఓ వార్త హల్ చల్ చేస్తోంది. అనిల్ తన తరువాత చెయ్యబొయ్యే సినిమా కోసం అప్పుడే స్క్రిప్ట్ మొదలు పెట్టినట్లు.. అది కూడా ఒక లేడీ ఓరియెంటెడ్ సబ్జెక్టు ప్రిపేర్ చేస్తున్నట్లు తెలుస్తోంది. అయితే ఈ వార్త ఇంకా ఎలాంటి అధికారిక ప్రకటన రాలేదు.