మ్యాన్ ఆఫ్ మాసెస్ ఎన్టీఆర్ హీరోగా నటించిన గత చిత్రం “దేవర” సాలిడ్ హిట్ తర్వాత తన నుంచి రానున్న చిత్రాల్లో దర్శకుడు అయాన్ ముఖర్జీతో చేస్తున్న భారీ యాక్షన్ సీక్వెల్ చిత్రం “వార్ 2” కూడా ఒకటి. మరి ఎన్నో అంచనాలు ఉన్న ఈ సినిమాలో బాలీవుడ్ గ్రీక్ గాడ్ హృతిక్ రోషన్ తో తాను నటిస్తున్నాడు. అయితే ఈ సినిమాలో తారక్ మంచి పవర్ఫుల్ రోల్ లో కనిపించనున్న సంగతి తెలిసిందే.
అలాగే హృతిక్ తో పలు ఎనర్జిటిక్ యాక్షన్ మరియు డాన్స్ సీక్వెన్స్ లు కూడా ఉన్నాయి. అయితే ఇపుడు తారక్ పేరు ఈ సినిమా నుంచి లీక్ అయ్యింది. ఈ చిత్రంలో ఎన్టీఆర్ వీరేంద్ర రఘునాథ్ అనే పేరుతో పిలువబడతాడు అని తెలుస్తుంది. మొత్తానికి మాత్రం పవర్ఫుల్ నటుడికి మంచి స్క్రీన్ నేమ్ పడినట్టే అని చెప్పవచ్చు. ఇక ఈ చిత్రాన్ని యష్ రాజ్ ఫిల్మ్స్ వారు నిర్మాణం వహిస్తుండగా ఈ ఏడాది స్వాతంత్ర దినోత్సవం కానుకగా రిలీజ్ కి తీసుకొస్తున్నారు.