‘విజయ్’ తమిళ స్టార్ హీరో నుంచి ఇప్పుడు తమిళనాడు సీఎంగా మారిపోయాడు. పైగా ముఖ్యమంత్రిగా పదవీబాధ్యతలు స్వీకరించాక ప్రజలకు తనదైన సేవ చేస్తున్నాడు. సీఎం విజయ్ కారణంగా తన కడుపులో శిశువు చనిపోయిందని నెగిటివ్ కామెంట్స్ చేసింది. బుల్లి తెర నటి జూలీ.. ఈ నటి ఇటీవల జరిగిన తమిళనాడు ఎన్నికల్లో విజయ్ ను వ్యతిరేకిస్తూ ప్రచారం చేసింది. ఈ క్రమంలో విజయ్ ఫ్యాన్స్ ఓ రేంజ్ లో ఆమె పై ట్రోల్స్ చేశారు.
ఈ ట్రోల్స్ పై తాజాగా జూలీ మాట్లాడుతూ.. సోషల్ మీడియాలో నాపై దారుణంగా ట్రోలింగ్ చేస్తున్నారు. ఈ ట్రోల్స్ మితిమీరడంతో నేను తట్టుకోలేక కొందరి పేర్లతో సహా మార్చిలోనే పోలీసులకు ఫిర్యాదు చేశాను. పైగా రూ.15 లక్షల కిడ్నీ స్కామ్ ఆరోపణలు చేస్తున్నారు. నన్ను ఎదో ఒక కేసులో ఇరికించాలని చూస్తున్నారు. ఈ ట్రోల్స్ కారణంగా మానసికంగా ప్రశాంతత కోల్పోయాను. చివరకు నేను నా కడుపులో బిడ్డను కోల్పోయాను. ప్రతక్షంగా కాకపోయినా పరోక్షంగా ఇందులో విజయ్ హస్తం ఉంది’ అంటూ జూలీ కామెంట్స్ చేసింది.