తెలుగు ప్రేక్షకులెవ్వరూ ఊహించని కథాంశం మరియు బ్యాక్ డ్రాప్ తో డైరెక్టర్ క్రిష్ తెరకెక్కించిన సినిమా ‘కంచె’. ఒక ప్రేమకథకి అలానాటి కుల వ్యవస్థని సమస్యగా సృష్టించి దానికి వరల్డ్ వార్ II నేపధ్యాన్ని కల్పించి చేసిన ఈ సినిమాకి విమర్శకుల నుంచి మంచి ప్రశంశలు దక్కాయి. అలాగే ప్రేక్షకుల నుంచి కూడా ఈ సినిమాకి మంచి రెస్పాన్స్ వస్తోంది. అలాగే చూసిన ప్రతి ఒక్కరూ క్రిష్ వర్క్ ని మెచ్చుకుంటున్నారు. ఈ సినిమాలో క్రిష్ చూపించిన వార్ ఎపిసోడ్స్ హాలీవుడ్ సినిమాలను తలపిస్తుండడం సినిమాకి చాలా పెద్ద ప్లస్ అయ్యింది. దసరా రిలీజ్ అయిన ఈ సినిమా ఫస్ట్ వీకెండ్ డీసెంట్ కలెక్షన్స్ ని సాధించింది.
వరల్డ్ వార్ II నేపధ్యంలో వచ్చిన మొదటి సినిమా కావడం వలన ఈ సినిమాపై బాలీవుడ్ వర్గాలు కన్నేసాయి. అంతే కాదు అప్పుడే ఈ సినిమా అబోల్ల్య్వుడ్ లో రీమేక్ చెయ్యాలనే ఆలోచనలు కూడా మొదలైపోయాయి. ఇదే విషయాన్ని క్రిష్ కుడా ఖరారు చేసారు. ప్రస్తుతం బాలీవుడ్ నుంచి ఓ ప్రముఖ నిర్మాణ సంస్థతో ఈ సినిమాని హిందీలో రీమేక్ చేసేలా ప్లాన్ చేస్తున్నామని త్వరలోనే ఈ విషయంపై క్లారిటీ ఇస్తామని క్రిష్ తెలిపాడు. అలాగే మరో 15 రోజుల్లో తన తదుపరి సినిమాని అనౌన్స్ చేయనున్నాడు క్రిష్.
