ముఖ్య అంశాలు
- కమర్షియల్ సక్సెస్ కోసం ఎదురుచూస్తున్న కార్తీ.. తన మోస్ట్ అవేటెడ్ స్పై థ్రిల్లర్ ‘సర్దార్ 2’తో సెప్టెంబర్ 10, 2026న ప్రేక్షకుల ముందుకు రానున్నారు.
- పి.ఎస్. మిత్రన్ డైరెక్ట్ చేస్తున్న ఈ భారీ ప్రాజెక్ట్లో ఆషికా రంగనాథ్ హీరోయిన్గా నటిస్తుండగా, ఎస్జే సూర్య కీలక పాత్రలో కనిపించనున్నారు.
- తమిళం, తెలుగుతో సహా పలు భాషల్లో ఒకేసారి ఈ చిత్రాన్ని గ్రాండ్గా రిలీజ్ చేసేందుకు మేకర్స్ సన్నాహాలు చేస్తున్నారు.
స్టార్ హీరో కార్తీ అభిమానులకు ఓ సాలిడ్ న్యూస్. తనకంటూ ఓ ప్రత్యేకమైన మార్కెట్ క్రియేట్ చేసుకున్న ఈ టాలెంటెడ్ యాక్టర్, ఇప్పుడు ‘సర్దార్ 2’ రూపంలో బాక్సాఫీస్ వద్ద భారీ కంబ్యాక్ ఇచ్చేందుకు సిద్ధమయ్యారు. ఇటీవల కార్తీ నటించిన ‘వా వాతియార్’ సినిమా థియేటర్లతో పాటు ఓటీటీలో కూడా ఆశించిన స్థాయిలో సక్సెస్ కాలేదు. దీంతో తన ఆశలన్నీ ఈ యాక్షన్ సీక్వెల్పైనే పెట్టుకున్నారు.
అభిమానుల నిరీక్షణకు తెరదించుతూ మేకర్స్ అదిరిపోయే అప్డేట్ ఇచ్చారు. ఈ సినిమాను సెప్టెంబర్ 10, 2026న ప్రపంచవ్యాప్తంగా గ్రాండ్గా రిలీజ్ చేయనున్నట్లు అఫీషియల్గా అనౌన్స్ చేశారు. పాన్ ఇండియా లెవల్లో తెలుగు, తమిళంతో పాటు ఇతర భాషల్లో ఒకేసారి ఈ చిత్రాన్ని ప్రేక్షకుల ముందుకు తీసుకురాబోతున్నారు.
భారీ కాస్టింగ్.. క్రేజీ కాంబో
బ్లాక్బస్టర్ హిట్గా నిలిచిన ఫస్ట్ పార్ట్ను డైరెక్ట్ చేసిన పి.ఎస్. మిత్రన్.. ఈ సీక్వెల్ను మరింత ప్రతిష్టాత్మకంగా తెరకెక్కిస్తున్నారు. ఆషికా రంగనాథ్ హీరోయిన్గా నటిస్తుండగా.. ఎస్జే సూర్య, రజిషా విజయన్, యోగి బాబు లాంటి భారీ తారాగణం ఈ ప్రాజెక్ట్లో భాగమయ్యారు. ప్రిన్స్ పిక్చర్స్ బ్యానర్పై ఎస్. లక్ష్మణ్ కుమార్, ఐవీవై (IVY) ఎంటర్టైన్మెంట్కి చెందిన ఇషాన్ సక్సేనా సంయుక్తంగా ఈ చిత్రాన్ని నిర్మిస్తున్నారు. దీనికి జీవీ ప్రకాష్ కుమార్ సంగీతం అందిస్తున్నారు.
రిలీజ్ డేట్పై ఫుల్ క్లారిటీ వచ్చేయడంతో ఫ్యాన్స్ కూడా ఖుషీ అవుతున్నారు. ఇక రాబోయే వారాల్లో ప్రమోషనల్ ఈవెంట్స్ స్టార్ట్ చేసి, వరుస అప్డేట్స్తో సినిమాపై అంచనాలు పెంచేందుకు టీమ్ ప్లాన్ చేస్తోంది. బాక్సాఫీస్ దగ్గర సర్దార్ సృష్టించిన మ్యాజిక్ను ఈ రెండో భాగం మళ్ళీ రిపీట్ చేస్తుందేమో చూడాలి.