విశ్వక్ సేన్ నటించిన రీసెంట్ మూవీ ‘లైలా’ మంచి బజ్‌తో రిలీజ్ అయ్యి, ఆశించిన స్థాయిలో ఈ సినిమా విజయాన్ని అందుకోలేకపోయింది. ముఖ్యంగా థియేటర్లలో ఏ మాత్రం ప్రేక్షకులను ఆకట్టుకోలేకపోయింది. బాక్సాఫీస్ వద్ద ఫెయిల్ అయిన ఈ సినిమా, అమెజాన్ ప్రైమ్ వీడియోలో స్ట్రీమింగ్ అయింది. అయితే, ఓటీటీలో కూడా ఈ సినిమాకి ఆదరణ దక్కడం లేదు. స్ట్రీమింగ్ లో లైలాను చూసిన ప్రేక్షకులు నిరాశ వ్యక్తం చేస్తున్నారు. మొత్తానికి ఈ సినిమాను నెటిజన్లు పూర్తిగా తిరస్కరించారు.
మొత్తమ్మీద డిజిటల్ ప్లాట్ ఫామ్ లో ఎటువంటి పాజిటివ్ బజ్‌ను ఈ సినిమా సృష్టించలేకపోయింది. కాగా ఈ సినిమాను దర్శకుడు రామ్ నారాయణ్ డైరెక్ట్ చేయగా ఈ సినిమాలో విశ్వక్ తొలిసారి ఓ లేడీ గెటప్‌లో నటించాడు. పోస్టర్స్, టీజర్, ట్రైలర్ ప్రేక్షకుల్లో సినిమాపై ఆసక్తిని క్రియేట్ చేశాయి. ఇక ఫిబ్రవరి 14న ప్రేమికుల రోజు కానుకగా ఈ చిత్రం థియేటర్లలో రిలీజ్ అయింది. ఆకాంక్ష శర్మ హీరోయిన్‌గా నటించిన ఈ చిత్రానికి లియోన్ జేమ్స్ సంగీతం అందించాడు. షైన్ స్క్రీన్స్ బ్యానర్‌పై సాహు గారపాటి ఈ చిత్రాన్ని ప్రొడ్యూస్ చేశారు.