లాక్ రివ్యూ: కోడ్ ఎమ్ హిందీ వెబ్ సిరీస్(ఏ ఎల్ టి బాలాజీ/జీ5)

లాక్ రివ్యూ: కోడ్ ఎమ్ హిందీ వెబ్ సిరీస్(ఏ ఎల్ టి బాలాజీ/జీ5)

Published on Jun 10, 2020 2:57 PM IST

నటీనటులు: జెన్నిఫర్ వింగెట్

దర్శకత్వం: అక్షయ్ చౌబే

నిర్మాత (లు): సమర్ ఖాన్

ఛాయాగ్రహణం: షాను సింగ్ రాజ్‌పుత్

లాక్ డౌన్ రివ్యూ సిరీస్ లో నెక్స్ట్ ఎంపికగా హిందీ వెబ్ సిరీస్ కోడ్ ఎమ్ ఎంచుకోవడం జరిగింది.క్రైమ్ ఇన్వెస్టిగేటివ్ థ్రిల్లర్ గా వచ్చిన ఈ సిరీస్ ఎలా ఉందో సమీక్షలో చూద్దాం…

 

కథాంశం ఏమిటీ?

ఓ టెర్రర్ ఆపరేషన్ ఓ ఆర్మీ అధికారితో పాటు మరో ఇద్దరు చంపబడతారు. ఈ కేసు ఇన్వెస్టిగేషన్ బాధ్యతలు తీసుకున్న లేడీ ఆర్మీ లాయర్ మోనికా మెహ్రా(జెన్నిఫర్ వింగెట్) కొన్ని దిగ్బ్రాంతికర విషయాలు తెలుసుకుంటుంది. ఇండియన్ ఆర్మీ పై జరుగుతున్న ఓ కుట్ర సంబంధించిన ఆపరేషన్ ఆమె బట్టబయలు చేస్తుంది. ఆమె ఇన్వెస్టిగేషన్ లో తెలిసిన అంశాలు ఏమిటీ? ఆమె ఆ సవాళ్లను ఎదిరించి ఎలా ఉపద్రవాన్ని అడ్డుకుంది అనేది మిగతా కథ..

 

ఏమి బాగుంది?

ఒక కోడ్ ఆధారంగా ఆర్మీ నేపథ్యంలో అల్లుకున్న క్రైమ్ డ్రామా ఆకట్టుకుంటుంది. ఈ వెబ్ సిరీస్లో మధ్యలో వచ్చే కొన్ని ఎపిసోడ్స్ ఆసక్తికరంగా సాగాయి. 20 నిమిషాల నిడివి కలిగిన ప్రతి ఎపిసోడ్ కి ఇచ్చిన ముగింపు డీసెంట్ గా ఉంది . ఇక బీజీఎమ్ సన్నివేశాలకు తగిన విధంగా మంచిగా సాగింది. ఆర్మీ అధికారులు దేశం కోసం తమ జీవితాలు ఎలా త్యాగం చేస్తారో ఎమోషనల్ గా చెప్పిన తీరు బాగుంది. ఇక నటీనటులలో రాజత్ కపూర్ నటన మెప్పిస్తుంది.

 

ఏమి బాగోలేదు?

కోడ్ ఎమ్ వెబ్ సిరీస్ లో ప్రధాన పాత్ర చేసిన జెన్నిఫర్ వింగెట్ చాలా వరకు ఓ సీరియస్ ఆర్మీ లాయర్ రోల్ లో మెప్పించడానికి ప్రయత్నించినా పూర్తి స్థాయిలో ఆకట్టుకోలేదు. ఆమె అనేక సన్నివేశాలలో తేలిపోయింది. ఇక ప్రారంభం ఎపిసోడ్స్ నిరాసక్తిగా ఉండడంతో, ఆరంభమే బాగోలేదు అన్న భావన కలుగుతుంది.

పట్టులేని కథనం ప్రేక్షకుడికి ఉత్కంఠ కలిగించలేకపోయింది. నెమ్మదిగా సాగే ఈ ఇన్వెస్టిగేటివ్ థ్రిల్లర్ ప్రేక్షకుడిని సిరీస్ లో ఇన్వాల్వ్ చేయలేకపోయింది. ఆర్మీ నేపధ్యానికి సంబంధించిన అనేక సన్నివేశాలలో అసలు లాజిక్ ఫాలో కాలేదు.

 

చివరి మాటగా

అక్కడక్కగా మెప్పించే కొన్ని ట్విస్ట్స్ మినహా కోడ్ ఎమ్ వెబ్ సిరీస్ ప్రేక్షకులకు మంచి అనుభూతిని కలిగించలేక పోయింది. ట్రైలర్ చూసి గొప్ప అంచనాలతో సిరీస్ చూడడం మొదలుపెట్టిన వారికి ఆశాభంగం తప్పదు. మొత్తంగా లాక్ డౌన్ లో కోడ్ ఎమ్ బెస్ట్ ఛాయిస్ కాదని చెప్పాలి.

Rating: 2/5

సంబంధిత సమాచారం

తాజా వార్తలు