సూపర్స్టార్ మహేష్ బాబు, సంచలన దర్శకుడు సందీప్ రెడ్డి వంగా కాంబినేషన్లో ఒక సినిమా రాబోతోందంటూ గత కొన్ని రోజులుగా సోషల్ మీడియాలో తెగ ప్రచారం జరుగుతోంది. ప్రముఖ నిర్మాణ సంస్థ ‘ఏషియన్ సినిమాస్’ బ్యానర్పై ఈ క్రేజీ ప్రాజెక్ట్ సెట్స్ పైకి వెళ్లనుందని ఇండస్ట్రీ వర్గాల్లో టాక్ నడుస్తోంది. మహేష్ బాబు ప్రస్తుతం ఉన్న ‘వారణాసి’, సందీప్ వంగా కమిట్ అయిన ప్రాజెక్ట్లు పూర్తయిన తర్వాత ఈ కాంబో సెట్ అయ్యే అవకాశం ఉందంటూ అభిమానులు ఆశగా ఎదురుచూస్తున్నారు.
నిజానికి వీరిద్దరి కలయికలో సినిమా రావడం ఇదే మొదటి ఆలోచన ఏమీ కాదు. గతంలోనే ఏషియన్ సినిమాస్ నిర్మాణంలోనే మహేష్, సందీప్ వంగా కలిసి ‘డెవిల్’ అనే సినిమా చేయాల్సి ఉంది. ఆ సమయంలో ఇద్దరికీ ఈ నిర్మాణ సంస్థ అడ్వాన్స్లు కూడా ఇచ్చినట్లు సమాచారం. కానీ కొన్ని అనివార్య కారణాల వల్ల ఆ ప్రాజెక్ట్ కార్యరూపం దాల్చలేదు. అప్పటినుంచి ఈ ఇద్దరి కాంబినేషన్ కోసం టాలీవుడ్ ప్రేక్షకులు ఎంతో ఆసక్తిగా ఎదురుచూస్తూనే ఉన్నారు.
అయితే, ప్రస్తుతానికి ఈ సినిమాకు సంబంధించి ఎలాంటి అధికారిక ప్రకటన లేదు. ఏషియన్ సినిమాస్ ఇద్దరికీ అడ్వాన్స్లు ఇచ్చిన మాట వాస్తవమే అయినప్పటికీ, మహేష్ ‘వారణాసి’ చిత్రం ముగిసిన తర్వాతే ఈ ప్రాజెక్ట్పై ఒక స్పష్టత వచ్చే అవకాశం ఉంది. మరి నిజంగానే ఈ కాంబో సెట్ అయ్యే న్యూస్ ఎప్పుడు వస్తుందో చూడాలి.