సూపర్ స్టార్ మహేష్ బాబు హీరోగా పరుశురామ్ దర్శకత్వంలో రానున్న సినిమా ‘సర్కారు వారి పాట’ నుండి ‘సూపర్ స్టార్ కృష్ణ’కు పుట్టిన రోజు గిప్ట్ ఇవ్వడానికి మహేష్ అండ్ ‘సర్కారు వారి పాట’ టీమ్ ప్రస్తుతం సన్నాహాలు చేస్తున్నారు. మొదట ఈ సినిమా టీజర్ రిలీజ్ చేయాలని ప్లాన్ చేసినా.. ఇప్పటివరకూ షూట్ చేసిన సీన్స్ లో టీజర్ ను క‌ట్ చేసేంత ఫుటేజ్ లేదట. అందుకే ఈ సినిమా నుండి 30 సెక‌న్ల గ్లింప్స్‌ని క‌ట్ చేసి సూపర్ స్టార్ కృష్ణకు బ‌ర్త్ డే విషెష్ చెబుతూ రిలీజ్ చేయాలని మేకర్స్ ప్లాన్ చేస్తున్నారు.
ఇక భారత బ్యాంకింగ్ రంగాన్ని కదిలించిన భారీ కుంభకోణాల చుట్టూ ఈ సినిమా కథ కేంద్రీకృతమైందట. అంటే తన తండ్రిని మోసం చేసి వేలాది కోట్ల ఎగవేసిన ఓ బిజినెస్ మెన్ నుండి ఆ డబ్బు మొత్తాన్ని తిరిగి రాబట్టడానికి మహేష్ ఎలాంటి ప్రయత్నాలు చేశాడు, ఈ క్రమంలో మహేష్ వేసే ప్లాన్స్ ఏమిటి అనే అంశాల చుట్టూ సినిమా నడుస్తోందట. ప్రముఖ నిర్మాణ సంస్థలు మైత్రీ మూవీస్, 14 రీల్స్ ప్లస్, బ్యానర్స్ తో పాటు మహేష్ బాబు తన సొంత నిర్మాణ సంస్థ జీఎంబీ ఎంటర్‌టైన్మెంట్స్‌పై ఈ సినిమాను భారీ బడ్జెట్‌తో నిర్మిస్తున్నాడు.