జాతీయ అవార్డు సినిమాతో ‘కంచెర పాలెం’ డైరెక్టర్ !

జాతీయ అవార్డు సినిమాతో ‘కంచెర పాలెం’ డైరెక్టర్ !

Published on Oct 23, 2019 12:01 AM IST

‘కేరాఫ్ కంచెర పాలెం’ అనే అతి చిన్న సినిమాతో ప్రేక్షకులతో పాటు సినీ ప్రముఖుల హృదయాలను కూడా గెలుచుకున్నాడు నూతన దర్శకుడు వెంకటేష్ మహా. సురేష్ ప్రొడక్షన్స్ పై ‘రానా దగ్గుబాటి’ సమర్పించిన ‘కేరాఫ్ కంచెర పాలెం’ ఇప్పటివరకు అనేక అంతర్జాతీయ చలన చిత్రోత్సవాల్లో ప్రదర్శింపబడింది. ఇటివలే ‘ఇండియన్ ఫిల్మ్ ఫెస్టివల్ ఆఫ్ మెల్ బోర్న్’లో కూడా ఈ సినిమా ప్రదర్శింపబడింది. మొత్తానికి ఈ చిన్న సినిమాతోనే మహా యంగ్ టాలెంటెడ్ డైరెక్టర్ గా ఇండస్ట్రీలో మంచి గుర్తింపు పొందాడు.

కాగా మహా తరువాత సినిమా ఏంటా అని ఇప్పటికే ‘కేరాఫ్ కంచెర పాలెం’ అభిమానులు ఆరా తీస్తోన్నారు. తాజాగా సినీ వర్గాల సమాచారం ప్రకారం ఓ మలయాళ సినిమాని రీమేక్ చేస్తోన్నాడు. మలయాళ సూపర్‌ హిట్‌ చిత్రం ‘మహేషింటె ప్రతీకారం’ సినిమానే వెంకటేష్ మహా తెలుగులోకి తీసుకురాబోతున్నారు. ఈ సినిమా పూర్తి ప్రతీకార ఛాయలున్న సినిమా అని తెలుస్తోంది.

ఇక ఈ రీమేక్‌ సినిమాలో ప్రధాన పాత్రలో సత్యదేవ్‌ నటిస్తున్నాడు. ఇప్పటికే చాల భాగం షూటింగ్ ను కూడా పూర్తి చేసుకున్న ఈ సినిమా నవంబర్‌ లో కల్లా మొత్తం చిత్రీకరణను పూర్తి చేసుకోనుంది. ‘మహేషింటె ప్రతీకారం’ సినిమాకి జాతీయ అవార్డు కూడా వచ్చింది.

సంబంధిత సమాచారం

తాజా వార్తలు