సమంత, నాగ చైతన్య హీరో హీరోయిన్లుగా శివ నిర్వాణ దర్శకత్వంలో తెరకెక్కుతున్న చిత్రం ‘మజిలీ’. గతంలో ‘ఏమాయచేసావే, ఆటో నగర్ సూర్య, మనం’ చిత్రాలు కలిసి చేసిన చైతు, సమంత పెళ్లి తర్వాత కలిసి నటిస్తున్న తొలి చిత్రం ఇదే కావడం ఈ చిత్రం పై అక్కినేని అభిమానుల్లో ఒకింత ఆసక్తి ఏర్పడింది. కాగా తాజాగా సినీ వర్గాల సమాచారం ప్రకారం ఈ సినిమా పీరియాడికల్ స్టోరీ అని అంటున్నారు. 1990 లో కొన్ని సీన్స్ ఉంటాయట. దానికి కొనసాగింపుగా ఇప్పటి సీన్స్ వస్తుంటాయి. కథ రెండు పార్శ్వాలలో కూడా ఉంటాయట.
ఇక ఈ చిత్రం భార్యాభర్తల మధ్య అనుబంధాన్ని తెలిపేలా తెరకెక్కనుందని కూడా తెలుస్తోంది. హిందీ నటి దివ్యంశ కౌశిక్ కీలక పాత్రలో నటించనున్న ఈ చిత్రానికి గోపిసుందర్ సంగీతం అందిస్తున్నారు. సాహు గరపాటి ,హరీష్ పెద్ది సంయుక్తంగా నిర్మిస్తున్నారు.