సెకండ్ ఇన్నింగ్స్ మొదలు పెట్టిన తర్వాత అందాల భామ నయనతార స్టార్ హీరోల సరసన కమర్షియల్ ప్రాజెక్ట్స్ చేస్తూనే, లేడీ ఓరియెంటెడ్ సినిమాలను కూడా వరుసగా చేస్తోంది. నయనతార చేసిన చివరి లేడీ ఓరియెంటెడ్ సినిమా ‘అనామిక’. ఈ సినిమా తర్వాత ఒకేసారి తెలుగు తమిళ భాషల్లో రూపొందుతున్న హారర్ థ్రిల్లర్ సినిమా ‘మాయ'(తమిళ్ టైటిల్). ఈ సినిమా తెలుగు వెర్షన్ కు ‘మయూరి’ అనే టైటిల్ పెట్టారు. షూటింగ్ మొత్తం కంప్లీట్ చేసుకున్న ఈ సినిమా ప్రస్తుతం పోస్ట్ ప్రొడక్షన్ వర్క్ జరుగుతోంది.
తాజా సమాచారం ప్రకారం ఈ సినిమా ఫస్ట్ ట్రైలర్ ని రేపు చెన్నైలో రిలీజ్ చేయనున్నారు. అశ్విన్ శరవణన్ దర్శకుడిగా పరిచయమవుతున్న ఈ సినిమాలో ఆరి హీరోగా నటిస్తున్నారు. ఈ సినిమాలో నయనతార ద్విపాత్రాభినయం చేస్తుంది. ఇప్పటి వరకు గ్లామరస్ పాత్రల్లో సందడి చేసిన నయనతార ‘మయూరి’గా భయపెట్టడం గ్యారెంటీ అని ఈ చిత్ర టీం అంటోంది. పోటెన్షియల్ స్టూడియోస్ పతాకంపై ప్రభు ఈ సినిమాను నిర్మిస్తున్నారు. జూలైలో ఈ సినిమాని రిలీజ్ చేసేలా ప్లాన్ చేస్తున్నారు.
