అఫీషియల్: మోహన్ లాల్ క్రేజీ క్రైమ్ థ్రిల్లర్ సీక్వెల్ మళ్లీ వస్తుంది!

సాలిడ్ థ్రిల్లర్ చిత్రాలకు మలయాళ సినిమా పెట్టింది పేరు. ఒకదాన్ని మించి ఒక ఇంట్రెస్టింగ్ థ్రిల్లర్ తో వారు ఆడియెన్స్ ని ఎంగేజ్ చేస్తూ ఉంటారు. అలా మలయాళ సినిమా నుంచి వచ్చిన ఓ ట్రెండ్ సెట్టింగ్ క్రైమ్ థ్రిల్లర్ చిత్రమే దృశ్యం. మోహన్ లాల్ హీరోగా దర్శకుడు జీతూ జోసెఫ్ తెరకెక్కించిన ఈ సినిమాకి మూడో భాగం కోసం చాలా మంది ఎదురు చూస్తున్నారు.

అయితే ఫైనల్ గా పార్ట్ 3 ని ఈ ఏప్రిల్ 3 కి ప్లాన్ చేశారు కానీ గల్ఫ్ దేశాల్లో పరిస్థితిలు బాగోని కారణంగా వాయిదా పడవచ్చు అనే టాక్ నే వినిపించింది. అయితే దీనికి ముందు పార్ట్ 2 ని రీ రిలీజ్ కి తీసుకొస్తున్నట్టు ప్రకటించారు. పార్ట్ 2 అప్పట్లో నేరుగా ఓటీటీ లోనే ఈ సినిమా విడుదల అయ్యింది. కానీ ఫైనల్ గా ఈ ఏప్రిల్ 10న ఈ సినిమా థియేటర్స్ లో రానున్నట్లు మేకర్స్ సరికొత్త పోస్టర్ తో ప్రకటించారు. ఈ సినిమాకి అనీల్ జాన్సన్ సంగీతం అందించారు. అలాగే ఆంటోనీ పేరంబవూర్ నిర్మాణం వహించారు.