‘మలయాళ స్టార్ హీరో’ పృధ్వీరాజ్ సుకుమారన్ దర్శకత్వంలో మలయాళ సూపర్ స్టార్ మోహన్ లాల్ హీరోగా వచ్చిన సూపర్ హిట్ పొలిటికల్ థ్రిల్లర్ ‘లూసిఫర్’. ఈ మలయాళ చిత్రం ప్రపంచవ్యాప్తంగా బాక్సాఫీస్ వద్ద 150 కోట్లు కలెక్ట్ చేసి.. మలయాళ సినీ పరిశ్రమలో కొత్త రికార్డ్స్ సృష్టించింది. కాగా ప్రస్తుతం ఈ చిత్రానికి సీక్వెల్ చేస్తోన్న విషయం తెలిసిందే.

కాగా ఇటీవలే ప్రీ ప్రొడక్షన్ కార్యక్రమాలను పూర్తి చేసుకుని.. మొదటి షెడ్యూల్ షూట్ కి వెళ్లిన ఈ సీక్వెల్ రేపటితో ఫస్ట్ షెడ్యూల్ కి సంబంధించిన షూటింగ్ పార్ట్ ను పూర్తి చేసుకుంటుందట. ఇక ఈ సినిమాలో బాలీవుడ్ కి చెందిన మరికొంత మంది తారలు కూడా కీలక పాత్రల్లో కనిపించనున్నారు. ‘లూసిఫర్’ మొదటి పార్ట్ లో స్టీఫెన్ గట్టుపల్లి అనే పాత్రలో నటించిన మోహన్ లాల్ మరి సీక్వెల్ లో ఎలాంటి పాత్రలో కనిపిస్తారో చూడాలి.