‘మనం’ సినిమా విజయంతో అత్యంత ఉత్సాహంగా పనిచేస్తున్న యంగ్ హీరో నాగ చైతన్య ఇప్పటికే ‘ఒక లైలా కోసం’ సినిమా టాకీ పార్ట్ ని పూర్తి చేసాడు. ప్రస్తుతం బాలన్స్ ఉన్న కొన్ని సాంగ్స్ ని స్విట్జర్ ల్యాండ్ లో షూట్ చేస్తున్నారు. ఈ పాటల కోసం నాగ చైతన్య – పూజ హెగ్డే కలిసి స్టెప్పులు వేస్తున్నారు.
ఈ స్విట్జర్ ల్యాండ్ షెడ్యూల్ తో ఈ సినిమా షూటింగ్ మొత్తం పూర్తవుతుంది.’గుండెజారి గల్లంతయ్యిందే’ ఫేం విజయ్ కుమార్ కొండ దర్శకత్వం వహిస్తున్న ఈ సినిమాకి అనూప్ రూబెన్స్ మ్యూజిక్ అందిస్తున్నాడు. అన్నపూర్ణ స్టూడియోస్ బ్యానర్ పై అక్కినేని ఫ్యామిలీ ఈ మూవీని నిర్మిస్తోంది. రొమాంటిక్ ఎంటర్టైనర్ గా తెరకెక్కుతున్న ఈ సినిమా జూలైలో ప్రేక్షకుల ముందుకు రానుంది.
అలాగే చాలా కాలం నుంచి విడుదలకు నోచుకోని నాగ చైతన్య ‘ఆటో నగర్ సూర్య’ సినిమాని ఈ నెల 27న రిలీజ్ చేయడానికి సన్నాహాలు చేస్తున్నారు. ఇది కాకుండా నాగ చైతన్య – సుదీర్ వర్మల మూవీ జూలైలో సెట్స్ పైకి వెళ్లనుంది.