‘ప్రేమమ్, సాహసం శ్వాసగా సాగిపో’ వంటి రెండు వరుసగా హిట్లు ఖాతాలో వేసుకున్న నాగ చైతన్య ప్రస్తుతం రెండు సినిమాల్లో నటిస్తున్నాడు. వాటిలో ఒకటి కళ్యాణ్ కృష్ణ ప్రాజెక్ట్. నాగార్జునకు ‘సోగ్గాడే చిన్న నాయాన’ లాంటి క్లాసికల్ హిట్ ఇచ్చిన ఈ దర్శకుడు నాగ చైతన్యను కూడా పూర్తి రొమాంటిక్ యాంగిల్ లో చూపించనున్నాడు. ఈ చిత్రానికి ‘రారండోయ్ వేడుక చూద్దాం’ ఆనే టైటిల్ ను ఖరారు చేశారు. విడుదలైన ఫస్ట్ లుక్ కూడా మంచి స్పందన తెచ్చుకుంది.
ప్రస్తుతం శరవేగంగా షూటింగ్ జరుపుకుంటున్న ఈ చిత్రాన్ని త్వరగా ముగించి మే 19వ తేదీన రిలీజ్ చేయాలని అనుకుంటున్నారు. మే నెల నాగ చైతన్యకు బాగా కలిసొచ్చిన నెల. ఎందుకంటే గతంలో ఆయన నటించిన ‘100 % లవ్, మనం, తడాఖ’ చిత్రాలన్నీ మేలోనే రిలీజై ఘన విజయం సాధించాయి. అందుకే ఆ నెలలోనే ‘రారండోయ్ వేడుక చూద్దాం’ ను కూడా విడుదల చేయాలని భావిస్తున్నారు. నాగార్జున స్వయంగా నిర్మిస్తున్న ఈ చిత్రానికి దేవి శ్రీ ప్రసాద్ సంగీతం అందిస్తుండగా రాకుల్ ప్రీత్ సింగ్ హీరోయిన్ గా నటిస్తోంది.