Subscribe to our Youtube Channel
 
Like us on Facebook
 
పాటల సమీక్ష : ‘జెర్సీ’ – సందర్భోచితంగా సాగే ఆల్బమ్ !
Published on Apr 17, 2019 1:48 pm IST

నేచురల్ స్టార్ నాని, శ్రద్ధ శ్రీనాథ్ హీరో హీరోయిన్లుగా ‘మళ్ళీ రావా’ ఫేం గౌతమ్ తిన్ననూరి దర్శకత్వంలో సితార ఎంటర్ టైన్ మెంట్స్ పతాకం పై సూర్యదేవర నాగ వంశి నిర్మిస్తున్న చిత్రం ‘జెర్సీ’. కాగా అనిరుద్ రవిచందర్ సంగీతం అందిస్తున్న ఈ చిత్రం ఏప్రిల్ 19న రిలీజ్ కానుంది. తాజాగా విడుదలైన ఈ చిత్రం యొక్క ఫుల్ ఆడియో ఆల్బమ్ లో జెర్సీ పాటలు ఎలా ఉన్నాయో ఇప్పుడు చూద్దాం.

1. పాట : అదేంటోగాని Padi Padi Leche Manasu

‘అదేంటోగాని ఉన్నపాటుగా’ పాటతోనే ఈ ఆల్బమ్ మొదలవుతుంది. రొమాంటిక్ ఫీలింగ్స్ తో సాగే ఈ పాట సినిమాలో హీరో హీరోయిన్లకు ఓదార్పునిచ్చే విధంగా సాగుతున్నట్లు అనిపిస్తోంది. పాట విన్న వెంటనే ఆకట్టుకునేలా ఉంది. ప్రేమ తాలూకు భావాలను హైలెట్ అయ్యే విధంగా అనిరుధ్ సాంగ్ ను చక్కగా కంపోజ్ చేశారు.
 
2. పాట :స్పిరిట్ ఆఫ్ జెర్సీ

ఈ పాటను కాలా భైరవ పాడారు. ఈ స్పిరిట్ ఆఫ్ జెర్సీ పాటను కృష్ణకాంత్ రాశారు. మొత్తానికి పాట విన్న వెంటనే స్పూర్తిదాయకంగా అనిపిస్తోంది. ఇక సినిమాలో ఈ పాట నాని తిరిగి గెలచే క్రమంలో నేపధ్య గీతంలా వచ్చేలా ఉంది. కృష్ణ కాంత్ ఈ పాటను తన శైలిలో చాలా చక్కని పదాలతో వ్రాయటం జరిగింది.

3. పాట : పదే పదే Hrudayam Jaripe
 
ఈ పదే పదే పాట ఆల్బమ్ లో మూడో పాటగా వస్తుంది. ఇక పాట గురించి చెప్పాలంటే.. పాటలోని సాహిత్యం ఆకట్టుకుంటుంది. పాట విన్నాక మంచి అనుభూతి కలిగిన భావన కలుగుతుంది. ఈ పాట గురించి ఒక్కమాటలో చెప్పాలంటే ఒక సందర్భోచిత గీతం. అనిరుద్ శ్రావ్యమైన సంగీతాన్ని అందించి పాటను చక్కగా తీర్చిదిద్దారు.
Emai Poyave4. పాట : ప్రపంచమే అలా
 
రచయిత కృష్ణ కాంత్ వ్రాసిన ఈ పాట కూడా ఆకట్టుకునేలా ఉంది. ప్రతిభావంతులైన షాషా తిరుపతి మరియు గంగ ఆకట్టుకునే వాయిస్ తో ఈ పాటను చక్కగా పాడారు. ఇక మరోసారి అనిరుద్ అందించిన మ్యూజిక్ వినసొంపుగా ఉంది. ముఖ్యంగా వీణ బిట్ ఆకట్టుకుంటుంది.

5. పాట : నీడ పడదని O My Lovely Lalana
 
ఈ సాంగ్ ఈ ఆల్బమ్ లో చివర పాటగా వస్తోంది. రచయిత కృష్ణ కాంత్ ఈ పాటను లోతైన పదాలతో చాలా చక్కని వ్రాయటం జరిగింది. సింగర్స్ అద్భుతమైన గానంతో ఈ పాటను పాడారు. అనిరుద్ అందించిన సంగీతం కూడా చాలా బాగుంది.
తీర్పు:
మొత్తంగా, జెర్సీ సంగీతం బాగానే ఆకట్టుకుంటుంది. ఈ ఆల్బమ్ ఎక్కువగా భావోద్వేగంగా సాగింది. అయితే అన్ని రకాల పాటలు మరియు సందర్భోచితంగా వచ్చే పాటలతో జెర్సీ ఆల్బమ్ ఉంది. మెయిన్ గా సినిమా చూసినప్పుడు ప్రేక్షకులు పాటలను మరింతగా ఎక్కువుగా ఇష్టపడతారు. మొత్తం మీద ఈ పాటలు సినిమాను ప్రేక్షకులకు ఇంకా బలంగా దగ్గర చేయడంలో బాగా దోహపడతాయి.

Click here for English Music Review

 


సంబంధిత సమాచారం :