యంగ్ హీరో నానికి తన గత సినిమాలు ఆశించిన స్థాయి విజయాన్ని అందించలేదు, అలాగే జెండాపై కపిరాజు సినిమా చాలా కాలంగా వాయిదా పడుతూ వస్తోంది. దాంతో నాని తన తదుపరి సినిమాలను ఆచితూచి ఎంచుకుంటున్నాడు. ఇటీవలే మారుతి డైరెక్షన్ లో ఓ సినిమా చేయడానికి నాని గ్రీన్ సిగ్నల్ ఇచ్చాడని తెలిపాము.
తాజా సమాచారం ప్రకారం శేఖర్ కమ్ముల అసిస్టెంట్ నాగి దర్శకత్వంలో ఓ సినిమా చెయ్యడానికి గ్రీన్ సిగ్నల్ ఇచ్చాడు. ఈ సినిమాని అశ్వనీదత్ కుమార్తె ప్రియాంక దత్ స్వప్న సినిమా బ్యానర్ పై నిర్మించనుంది. స్వప్న సినిమా బ్యానర్ పై గతంలో ‘స్టూడెంట్ నెం 1’ సినిమా వచ్చింది. ఈ బ్యానర్ ద్వారా ఎస్ఎస్ రాజమౌళిని తెలుగు తెరకు పరిచయం చేసారు. ఇందులో నాని సరసన మాళవిక నాయర్ హీరోయిన్ గా కనిపించనుంది. రాకేశ్ – నవీన్ కలిసి సినిమాటోగ్రాఫర్స్ గా కలిసి పనిచేయనున్నారు. ఈ సినిమా గురించి అధికారిక ప్రకటన త్వరలోనే వెలువడే అవకాశం ఉంది.