ఏఎస్ రవి కుమార్ దర్శకత్వంలో యువ హీరో నితిన్ ఓ సినిమా చేయడానికి రెడీ అవుతున్నాడు అనేది ఫిల్మ్ నగర్ లేటెస్ట్ న్యూస్. ఇటివలే దర్శకుడు నితిన్ ను కలిసి కథ వినిపించారు. రత్నబాబు అనే రచయిత సహకారంతో ఈ కథను దర్శకుడు రచించారు. కథ నచ్చడంతో నితిన్ వెంటనే గ్రీన్ సిగ్నల్ ఇచ్చారు. ‘పిల్లా నువ్వులేని జీవితం’ వంటి విజయవంతమైన సినిమా తర్వాత రవి కుమార్ చౌదరి దర్శకత్వం వహిస్తున్న సినిమా ఇది.
రొమాంటిక్ కామెడీ ఎంటర్టైనర్ గా తెరకెక్కనున్న ఈ సినిమాలో వినోదానికి, కుటుంబ విలువలకు ఎక్కువ ప్రాధాన్యం ఇచ్చారట. ప్రస్తుతం స్క్రిప్ట్ కు తుది మెరుగులు దిద్దే ప్రయత్నంలో దర్శక రచయితలు ఉన్నారు. 2008లో నితిన్, రవి కుమార్ చౌదరి కలయికలో ‘ఆటాడిస్తా’ సినిమా కోసం కలిసి పని చేశారు.