మ్యాన్ ఆఫ్ మాసెస్ జూనియర్ ఎన్టీఆర్ పేరుతో కొంతమంది వ్యక్తులు మరియు ఫ్యాన్ గ్రూపులు విరాళాలు సేకరిస్తున్నట్లు ఆయన కార్యాలయం దృష్టికి వచ్చింది. ఎన్టీఆర్ పేరుతో నిర్వహిస్తున్న ఇటువంటి సేవా కార్యక్రమాలు లేదా ఫండ్ రైజింగ్ డ్రైవ్లతో ఆయనకు ఎటువంటి సంబంధం లేదని ఆఫీస్ స్పష్టం చేసింది. ఈ కార్యకలాపాలకు ఎన్టీఆర్ ఎలాంటి మద్దతు ఇవ్వడం లేదని అధికారికంగా వివరణ ఇచ్చారు.
ప్రజలు, అభిమానులు మరియు శ్రేయోభిలాషులు ఇటువంటి విషయాల్లో జాగ్రత్తగా ఉండాలని, ఎన్టీఆర్ లేదా ఆయన కార్యాలయం పేరుతో జరిగే వసూళ్లకు దూరంగా ఉండాలని కోరారు. అధికారికమైన కమ్యూనికేషన్ లేదా సామాజిక కార్యక్రమాలు ఏమైనా ఉంటే, అవి నేరుగా ఎన్టీఆర్ ద్వారానే తెలియజేయబడతాయని పేర్కొన్నారు. అభిమానులు పరిస్థితిని అర్థం చేసుకుని సహకరించాలని ఈ ప్రకటన ద్వారా విజ్ఞప్తి చేశారు.
